ന്യൂദല്ഹി: ഡച്ച് സ്വദേശിയായ ഇന്ഡിഗോ വിമാനക്കമ്പനിയുടെ സിഇഒ പീറ്റര് എല്ബേഴ്സ് നേറ്റോ എന്ന യുഎസ്-യൂറോപ്യന് യൂണിയന് സംയുക്ത സൈനിക മുന്നണിയുടെ മേധാവിയുടെ അടുത്ത സുഹൃത്താണെന്ന് റിപ്പോര്ട്ട്. 2010 മുതല് 2024 വരെ നെതര്ലാന്റസിന്റെ പ്രധാനമന്ത്രിയായിരുന്ന മാര്ക്ക് റുട്ടെ ആണ് നേറ്റോയുടെ ഇപ്പോഴത്തെ മേധാവി. ഇക്കാലയളവില് ഇന്ഡിഗോ സിഇഒ പീറ്റര് എല്ബേവ്സും മാര്ക്ക് റുട്ടേയും അടുത്ത സുഹൃത്തുക്കളായിരുന്നു.
ഇതോടെ പുടിന് ഇന്ത്യയില് ഉണ്ടായിരുന്ന നാളുകളില് ഇന്ഡിഗോ വിമാനങ്ങള് പറക്കാതിരുന്നതിന് പിന്നില് ആസൂത്രിത ഗൂഢാലോചനയുണ്ടോ എന്ന സംശയം ബലപ്പെടുകയാണ്. ഇന്ത്യയിലെ വിവിധ എയര്പോര്ട്ടുകളില് വിമാനം കിട്ടാതെ യാത്രക്കാര് കഷ്ടപ്പെടുന്നതിന്റെയും പ്രതിഷേധിക്കുന്നതിന്റെയും ദശലക്ഷക്കണക്കിന് ഫോട്ടോകളും വീഡിയോകളും സമൂഹമാധ്യമങ്ങളില് പ്രചരിപ്പിക്കപ്പെട്ടിരുന്നു. ഇതിന് പിന്നില് പ്രവര്ത്തിച്ചത് ഇന്ത്യയിലെ എന്ജിഒ സംഘടനകളും പ്രതിപക്ഷ പാര്ട്ടിക്കാരും ആണ്.
നേറ്റോയ്ക്ക് റഷ്യയെയും പുടിനെയും അരച്ചുകലക്കികുടിക്കാനുള്ള ദേഷ്യമുണ്ട്. അതിനാല് നേറ്റോ ബന്ധം ഇന്ഡിഗോയില് പ്രതിസന്ധിയുണ്ടാക്കാന് ഉപയോഗിക്കപ്പെട്ടിരുന്നോ എന്നാണ് സംശയിക്കുന്നത്. നേറ്റോയും റഷ്യയും തമ്മിലുള്ള സംഘര്ഷമാണ് യഥാര്ത്ഥത്തില് റഷ്യ-ഉക്രൈന് യുദ്ധത്തിന് പിന്നില്. നേറ്റോ അവരുടെ സാമ്രാജ്യം വികസിപ്പിച്ചുകൊണ്ടിരിക്കുകയാണ്. ഇതിന് റഷ്യ തടസ്സം നില്ക്കുന്നതിനാലാണ് ഉക്രൈനെ മറയാക്കി യൂറോപ്യന് യൂണിയന് റഷ്യയെ തകര്ക്കാന് റഷ്യ-ഉക്രൈന് യുദ്ധം നീട്ടിക്കൊണ്ടുപോകുന്നത്.
പുടിന്റെ ഇന്ത്യാ സന്ദര്ശനം കലക്കുക എന്നത് യൂറോപ്യന് രാജ്യങ്ങളുടെ വലിയ മോഹമായിരുന്നു. അതുകൊണ്ടാണ് ബ്രിട്ടന്, ജര്മ്മനി, ഫ്രാന്സ് എന്നീ യൂറോപ്യന് രാജ്യങ്ങളിലെ മൂന്ന് ഇന്ത്യന് അംബാസഡര്മാര് ടൈംസ് ഓഫ് ഇന്ത്യയില് ലേഖനം എഴുതിയത്. പുടിനാണ് ഉക്രൈന് സമാധാനശ്രമത്തിന് വിലങ്ങുതടിയായി നില്ക്കുന്നത് എന്ന് കുറ്റപ്പെടുത്തുകയായിരുന്നു ഈ ലേഖനത്തിലൂടെ ഇവര്. പുടിന് ഇന്ത്യ സന്ദര്ശിക്കുന്നതിന്റെ തലേദിവസമാണ് പുടിനെ കുറ്റപ്പെടുത്തുന്ന ഈ ലേഖനം പ്രസിദ്ദീകരിച്ചത്. ഈ മൂന്ന് അംബാസഡര്മാരെയും ഇന്ത്യന് വിദേശകാര്യമന്ത്രാലയം നേരിട്ട് വിളിച്ച് വരുത്തി ശാസിച്ചിരുന്നു. പക്ഷെ ഇവരുടെ ലേഖനം ലോകമെങ്ങുമുള്ള മാധ്യമങ്ങളില് ചര്ച്ചയായി. ഇത് ഇന്ത്യയുടെ പ്രതിച്ഛായയ്ക്ക് കളങ്കമായി. അതുപോലെ ഇന്ഡിഗോ എന്ന ഇന്ത്യയിലെ ഏറ്റവും വലിയ വിമാനക്കമ്പനിയുടെ നൂറുകണക്കിന് ഫ്ലൈറ്റുകള് മുടങ്ങിയപ്പോഴും ഇന്ത്യയുടെ പ്രതിച്ഛായയ്ക്ക് കളങ്കമായി.
ഇന്ഡിഗോ സിഇഒ പീറ്റര് എല്ബേഴ്സിന്റെ നിര്ദേശപ്രകാരമാണ് വിമാനങ്ങള് സര്വ്വീസ് നടത്തേണ്ടതില്ല എന്ന് തീരുമാനിച്ചതെന്ന് പറയുന്നു. ഇതോടെയാണ് നൂറുകണക്കിന് ഇന്ഡിഗോ വിമാനങ്ങള് യാത്ര റദ്ദാക്കിയതും ആയിരക്കണക്കിന് യാത്രക്കാര് ഇന്ത്യയിലെ വിവിധ എയര്പോര്ട്ടുകളില് കുടുങ്ങിയതും.
