തിരുവനന്തപുരം: വോട്ട് ചെയ്യാനെത്തിയ വയോധിക ബൂത്തിനുളളില് കുഴഞ്ഞുവീണു മരിച്ചു. പാച്ചല്ലൂര് ഗവ. എല് പി സ്കൂളില് കോവളം സ്വദേശി ശാന്ത (73) ആണ് മരിച്ചത്.
വോട്ട് ചെയ്യാന് മഷി പുരട്ടിയതിന് പിന്നാലെ വയോധിക കുഴഞ്ഞു വീണു.വാര്ധക്യ സഹജമായ അസുഖങ്ങള് ഇവര്ക്ക് ഉണ്ടായിരുന്നുവെന്ന് ബന്ധുക്കള് പറഞ്ഞു. ബൂത്തില് കാര്യമായ തിരക്ക് ഉണ്ടായിരുന്നില്ല.
അതേസമയം,തിരുവനന്തപുരത്ത് പോളിംഗ് ശതമാനം 65.71 ആണ്.വൈകിട്ട് 6 മണി വരെയാണ് വോട്ടെടുപ്പ് സമയമെങ്കിലും ചില ബൂത്തുകളില് നിശ്ചിത സമയത്തിന് ശേഷവും വരിയില് നിന്നവരെ വോട്ട് ചെയ്യാന് അനുവദിച്ചു.
