തിരുവനന്തപുരം: സര്ക്കാര് ഉദ്യോഗസ്ഥര്ക്കുള്ള പോസ്റ്റല് ബാലറ്റുകള് അവരവരുടെ വീട്ടഡ്രസുകളില് നല്കണമെന്ന് സംസ്ഥാന തെരഞ്ഞെടുപ്പ് കമ്മീഷനോട് ആവശ്യപ്പെടുന്നതായി ബിജെപി സംസ്ഥാന ജനറല് സെക്രട്ടറി അഡ്വ.എസ്. സുരേഷ്. സര്ക്കാര് ഓഫീസുകളിലേക്ക് എത്തുന്ന പോസ്റ്റല് ബാലറ്റുകള് ഇടത് സര്വീസ് സംഘടനകളുടെ നേതാക്കളെത്തി കൈക്കലാക്കുകയാണ്.
സ്വന്തം വോട്ട് ചെയ്യാന് സര്ക്കാര് ജീവനക്കാരെ ഇവര് അനുവദിക്കുന്നില്ല. സ്ഥലം മാറ്റം അടക്കമുള്ള ഭീഷണി മുഴക്കിയാണ് പലരില് നിന്നും ബാലറ്റുകള് സര്വീസ് സംഘടന നേതാക്കള് വാങ്ങി വോട്ട് രേഖപ്പെടുത്തുന്നത്.
നിരവധി വനിതാ ജീവനക്കാര് അടക്കമുള്ളവര് ഇത്തരത്തില് ഭയന്ന് സ്വന്തം ബലറ്റുകള് ഇവര്ക്ക് നല്കിക്കഴിഞ്ഞു. ഈ സാഹചര്യം ഒഴിവാക്കാന് എല്ലാ ജീവനക്കാരുടേയും പോസ്റ്റല് ബാലറ്റുകള് വീടുകളില് നല്കുന്നതാണ് നല്ലത്. ശബരിമലയില് ഡ്യൂട്ടി ചെയ്യുന്ന പൊലീസുകാര്ക്ക് കൂടി പോസ്റ്റല് ബാലറ്റ് സംവിധാനം നല്കണമെന്നും ജനാധിപത്യ പ്രക്രിയയില് ആരെയും ഒഴിവാക്കരുതെന്നും അഡ്വ.എസ്. സുരേഷ് ആവശ്യപ്പെട്ടു.
