പാലക്കാട്: ലൈംഗിക പീഡന കേസിലെ പ്രതിയായ രാഹുല് മാങ്കൂട്ടത്തില് ഒളിവിലിരുന്ന് കോണ്ഗ്രസ് നേതാക്കളെ ബ്ലാക്മെയില് ചെയ്യുകയാണെന്ന് ബിജെപി സംസ്ഥാന ജനറല് സെക്രട്ടറി എം.ടി. രമേശ്. നാണക്കേടുണ്ടായിട്ടും അത് സ്വയം സഹിച്ച് രാഹുലിനെ പരമാവധി സംരക്ഷിച്ചു നിര്ത്താന് ഒരുവിഭാഗം കോണ്ഗ്രസ് നേതാക്കള് ശ്രമിക്കുന്നത് . കോണ്ഗ്രസ് നേതാക്കളുടെ എന്ത് രഹസ്യമാണ് രാഹുലിന്റെ കൈയിലുള്ളതെന്നും എം.ടി. രമേശ് പാലക്കാട് പത്രസമ്മേളനത്തില് ചോദിച്ചു.
പാര്ട്ടിപ്രവര്ത്തകരായ സ്ത്രീകള്ക്ക് പോലും രക്ഷിയില്ലെന്ന് ബോധ്യമുണ്ടായിട്ടും രാഹുലിനെ സുപ്രധാന പദവിയിലേക്കും എംഎല്എ സ്ഥാനത്തേക്കും കൊണ്ടുവന്നതിന്റെ പ്രേരണയെന്താണ്. കോടതി തീരുമാനം വരുന്നത് വരെ കാത്തിരിക്കേണ്ട ഗതികേടിലാണ് കോണ്ഗ്രസ് നേതൃത്വം. പ്രാഥമികാംഗത്വത്തില് നിന്ന് പുറത്താക്കിയ രാഹുല് തെരഞ്ഞെടുപ്പ് പ്രചാരണത്തില് സജീവമായപ്പോള് ഒരു നേതാവും പ്രതികരിച്ചില്ല. ഒരു രാഷ്ട്രീയ പാര്ട്ടിക്ക് സാമൂഹികമായും സാംസ്കാരികമായും ധാര്മികമായും ഇത്രമാത്രം അധിപതിക്കാം എന്നതിന്റെ ഉദാഹരണമാണ് കോണ്ഗ്രസ്. കോണ്ഗ്രസിന്റെ ഒളിച്ചുകളി ആ പാര്ട്ടി സാമൂഹ്യ ജീര്ണതയുടെ പടുകുഴിയിലാണെന്ന് വ്യക്തമക്കുന്നു.
ഈ വിഷയത്തില് സിപിഎമ്മും പ്രതിപട്ടികയിലാണെന്ന് രമേശ് പറഞ്ഞു. എട്ടുദിവസമായി ഒളിവില് കഴിയുന്ന രാഹുലിനെ പിടികൂടാന് പോലീസിന് കഴിഞ്ഞില്ല. മുന്കൂര് ജാമ്യാപേക്ഷയില് ഉത്തരവ് വരുന്നത് വരെ അറസ്റ്റുവേണ്ട എന്ന് നിര്ദ്ദേശം നല്കിയത് ആരാണ്. പീഡനകേസിലെ പ്രതിയെ സംസ്ഥാനം വിടാന് സഹായിച്ചത് സര്ക്കാരാണ്. സിപിഎമ്മും കോണ്ഗ്രസും തമ്മില് ഡീലുണ്ട്. ആദ്യം പരാതി വന്നപ്പോള് സ്വമേധയാ പോലീസ് കേസെടുക്കാന് തയ്യാറായിരുന്നെങ്കിലും ആഭ്യന്തരവകുപ്പ് സമ്മതിച്ചില്ല. എല്ലാ തെളിവുകളും നശിപ്പിച്ച്, സാക്ഷികളെ സ്വാധീനിച്ച ശേഷം കോടതിവിധി വന്ന ശേഷം അറസ്റ്റ് ചെയ്താല്മതിയെന്നാണ് ഇരുമുന്നണികളും തമ്മിലുള്ള ഡീലെന്നും രമേശ് പറഞ്ഞു.
ശബരിമല സ്വര്ണക്കൊള്ളയിലും സിപിഎമ്മും കോണ്ഗ്രസും തമ്മില് ഡീലുണ്ട്. ക്ഷേത്രം കൊള്ളയടിക്കുന്നവര്ക്ക് ഭരണചുമതല നല്കിയാല് എന്തായിരിക്കും സ്ഥിതി. ക്ഷേത്രക്കൊള്ളക്കാരെയും സ്ത്രീകളുടെ മാനത്തിന് വിലപറഞ്ഞവരെയും വോട്ടര്മാര്ക്ക് മുന്നില് അവതരിപ്പിക്കും. കേസ് എ. പത്മകുമാറില് ഒതുക്കാനായി എസ്ഐടിക്കുമേല് കടുത്ത സമര്ദ്ദമുണ്ട്. പത്മകുമാറിന്റെ മൊഴിയില് എന്തുകൊണ്ട് തുടര്നടപടികളുണ്ടായില്ല. തെരഞ്ഞെടുപ്പ് കഴിയുന്നതുവരെ കടകംപള്ളി സുരേന്ദ്രനെ ചോദ്യം ചെയ്യരുതെന്നാണ് എസ്ഐടിക്ക് ആഭ്യന്തരവകുപ്പിന്റെ നിര്ദ്ദേശമെന്നും എം.ടി. രമേശ് പറഞ്ഞു. പത്രസമ്മേളനത്തില് പാലക്കാട് ഈസ്റ്റ് ജില്ലാ പ്രസിഡന്റ് പ്രശാന്ത് ശിവനും പങ്കെടുത്തു.
