ന്യൂദല്ഹി: 2009ലെ ആസിഡ് ആക്രമണക്കേസിന്റെ ക്രിമിനല് വിചാരണ 16 വര്ഷമായി വൈകിപ്പിച്ചതിനെ രൂക്ഷമായി വിമര്ശിച്ച് സുപ്രീം കോടതി. ദല്ഹിയിലെ രോഹിണി വിചാരണ കോടതിയില് ഇപ്പോഴും നടപടികള് തീര്പ്പുകല്പ്പിച്ചിട്ടില്ലെന്ന് അറിയിച്ചതിനെ തുടര്ന്ന് ഇത് വ്യവസ്ഥിതിക്ക് തന്നെ നാണക്കേടാണെന്ന് കോടതി വിമര്ശിച്ചു. 2009ല് ആക്രമണത്തിന് ഇരയായ പെണ്കുട്ടിയുടെ അഭിഭാഷകനാണ് പ്രശ്നം സുപ്രീം കോടതിയുടെ ശ്രദ്ധയില്പ്പെടുത്തിയത്.
തുടര്ന്നാണ് വിചാരണയെക്കുറിച്ച് ചീഫ് ജസ്റ്റിസ് ജസ്റ്റിസ് സൂര്യകാന്ത് ചോദ്യമുന്നയിച്ചത്. എല്ലാ ആസിഡ് ആക്രമണക്കേസുകളുടെയും വിചാരണയുടെയും വിശദാംശങ്ങള് അറിയിക്കാന് ഹൈക്കോടതികളോടു നിര്ദേശിച്ചു. ആക്രമണത്തിന് ഇരയായവരെ സഹായിക്കാന് കേന്ദ്ര സര്ക്കാരിന് നടപടി സ്വീകരിക്കാന് കഴിയുമോ എന്ന് സോളിസിറ്റര് ജനറല് തുഷാര് മേത്തയോട് കോടതി ചോദിച്ചു. നിലനില്ക്കുന്ന കേസുകളില് സുപ്രീം കോടതി സ്വമേധയാ കേസെടുക്കുമെന്നും ചീഫ് ജസ്റ്റിസ് പറഞ്ഞു.
