കൊച്ചി : യുവതിയെ ലൈംഗികമായി പീഡിപ്പിക്കുകയും നിര്ബന്ധിച്ച് ഗര്ഭച്ഛിദ്രം നടത്തുകയും ചെയ്തെന്ന കേസില് തിരുവനന്തപുരം ജില്ലാ സെഷന്സ് കോടതി ജാമ്യം നിഷേധിച്ചതോടെ ഹൈക്കോടതിയെ സമീപിക്കാന് രാഹുല് മാങ്കൂട്ടത്തിലിന്റെ നീക്കം. ഉടന് ഹര്ജി നല്കും. ഹൈക്കോടതിയിലെ മുതിര്ന്ന അഭിഭാഷകന് എസ് രാജീവാണ് രാഹുല് മാങ്കൂട്ടത്തിലിനായി ഹാജരാവുക.
ഉത്തരവിന്റെ പകര്പ്പ് കിട്ടിയാല് തൊട്ടു പിന്നാലെ ഓണ്ലൈനായി മുന്കൂര് ജാമ്യാപേക്ഷ നല്കാനാണ് നീക്കം.ഹര്ജി വെളളിയാഴ്ച ഉച്ചയോടെ ബെഞ്ചില് കൊണ്ടുവരാന് കഴിയുമോ എന്നും പരിശോധിക്കുന്നുണ്ട്. രാഹുല് മാങ്കൂട്ടത്തില് അന്വേഷണ സംഘത്തിന് മുന്നില് കീഴടങ്ങാനുള്ള സാധ്യത ഇല്ല എന്നാണ് വിവരം.
രാഹുല് മാങ്കൂട്ടത്തിലുമായി ബന്ധപ്പെട്ടവര് കഴിഞ്ഞ ദിവസം മുതല് തന്നെ ഹൈക്കോടതി അഭിഭാഷകരുമായി കൂടിയാലോചനകള് നടത്തി.മുന്കൂര് ജാമ്യാപേക്ഷ തള്ളിയതിന് പിന്നാലെ രാഹുല് മാങ്കൂട്ടത്തിലിനെ കോണ്ഗ്രസിന്റെ പ്രാഥമിക അംഗത്വത്തില് നിന്ന് പുറത്താക്കി.
