യൂത്ത് കോൺഗ്രസ് സംസ്ഥാന ജനറൽ സെക്രട്ടറി രാഹുൽ മാങ്കൂട്ടത്തിലിനെതിരെ ലൈംഗിക പീഡന പരാതി നൽകിയ യുവതി രണ്ടു തവണ ആത്മഹത്യക്ക് ശ്രമിച്ചതായി വെളിപ്പെടുത്തൽ. രാഹുലിൽ നിന്നുണ്ടായ മാനസിക ശാരീരിക പീഡനങ്ങളെയും നിർബന്ധിത ഗർഭഛിദ്രത്തെയും തുടർന്നാണ് യുവതി ജീവനൊടുക്കാൻ ശ്രമിച്ചത്. ആദ്യ ആത്മഹത്യ ശ്രമത്തിൽ അമിത അളവിൽ മരുന്നു കഴിച്ചതിനെത്തുടർന്ന് യുവതി ഏതാനും ദിവസം ആശുപത്രിയിൽ ചികിത്സയിലായിരുന്നു. രണ്ടാമത്തെ ശ്രമത്തിൽ കൈ ഞരമ്പ് മുറിക്കാൻ ശ്രമിച്ചതായും യുവതി പോലീസിന് മൊഴി നൽകിയിട്ടുണ്ട്.
ഗർഭഛിദ്രത്തിനായി രണ്ട് ഗുളികകൾ തന്നെക്കൊണ്ട് നിർബന്ധിച്ച് കഴിപ്പിച്ചതായി യുവതി ഡോക്ടറോട് വെളിപ്പെടുത്തിയിരുന്നു. യുവതിയുടെ മൊഴി പോലീസ് രേഖപ്പെടുത്തിയിട്ടുണ്ട്.ഒരുതവണ കൈഞരമ്പ് മുറിക്കാനും ശ്രമിച്ചു. അശാസ്ത്രീയ ഗര്ഭഛിദ്രം അപകടകരമായ രീതിയിലായിരുന്നുവെന്ന് യുവതിയെ പിന്നീട് പരിശോധിച്ച ഡോക്ടര് പൊലീസിന് മൊഴി നല്കിയിട്ടുണ്ട്. രാഹുലിന്റെ നിര്ദേശപ്രകാരം സുഹൃത്ത് ജോബി ജോസഫ് നല്കിയ ഗുളിക കഴിച്ചെന്നാണ് യുവതിയുടെ മൊഴി. ഇതിന് ഡോക്ടറുടെ സ്ഥിരീകരണം വന്നതോടെ മാങ്കൂട്ടം കുടുങ്ങുമെന്നാണ് പ്രോസിക്യൂഷന് നിലപാട്. രാഹുല് മാങ്കൂട്ടത്തില് എംഎല്എ ഇപ്പോഴും ഒളിവിലാണ്.
പ്രത്യേക സംഘം വ്യാപകമായി പരിശോധന നടത്തുന്നുണ്ട്. രാഹുല് മാങ്കൂട്ടത്തില് പാലക്കാട്ടുനിന്ന് രക്ഷപ്പെട്ട കാറിനെക്കുറിച്ചുള്ള വിവരങ്ങള് അന്വേഷണസംഘത്തിന് ലഭിച്ചു. സ്വന്തം കാര് ഉപേക്ഷിച്ച് ചുവന്ന നിറത്തിലുള്ള കാറിലാണ് യാത്രചെയ്തതെന്നാണ് സൂചന. ഒരു ചലച്ചിത്രതാരത്തിന്റെ ഉടമസ്ഥതയിലുള്ള കാറാണിതെന്ന് വിവരമുണ്ട്. സുഹൃത്തും കേസിലെ രണ്ടാംപ്രതിയുമായ ജോബി ജോസഫും ഒപ്പമുണ്ടെന്ന് അന്വേഷണസംഘം സംശയിക്കുന്നു.ആശുപത്രി രേഖകളും ഫോണ് സംഭാഷണവും അടക്കം ഒട്ടേറെ തെളിവുകള് ഉണ്ടെന്നും അന്വേഷണസംഘം വ്യക്തമാക്കി.
ഇക്കാര്യങ്ങള് ചൂണ്ടിക്കാട്ടി രാഹുലിന്റെ മുന്കൂര് ജാമ്യത്തെ എതിര്ത്ത് ഇന്ന് കോടതിയില് റിപ്പോര്ട്ട് നല്കും. നാളെയാണ് മുന്കൂര് ജാമ്യാപേക്ഷ തിരുവനന്തപുരം ജില്ല സെഷന്സ് കോടതി പരിഗണിക്കുന്നത്. യുവതി വിവാഹിതയാണെന്ന് അറിഞ്ഞുകൊണ്ടാണ് രാഹുല് അടുപ്പം തുടങ്ങിയതും ലൈംഗികബന്ധത്തില് ഏര്പ്പെട്ടതും. യുവതിയുടെ സമ്മതമില്ലാതെ ദേഹോപദ്രവം ഏല്പ്പിച്ചുകൊണ്ട് പലതവണ ബലാത്സംഗം ചെയ്തു. യുവതിയെ ഉപദ്രവിച്ചതിന് ഫോട്ടോകളടക്കം തെളിവുണ്ട്.
ഗര്ഭിണിയാകാന് യുവതിയെ രാഹുല് നിര്ബന്ധിച്ചു. ഗര്ഭിണിയായെന്ന് അറിഞ്ഞതോടെ ഗര്ഭച്ഛിദ്രം നടത്താന് ഭീഷണിപ്പെടുത്തി. യുവതിയുടെ ജീവന് പോലും അപകടത്തിലാകുന്ന തരത്തിലാണ് ഗര്ഭച്ഛിദ്രം നടത്തിയത് എന്ന് ഡോക്ടര്മാര് മൊഴി നല്കിയിട്ടുണ്ടെന്നും റിപ്പോര്ട്ടില് പറയുന്നു.
