ന്യൂദല്ഹി: ഭീകരവാദത്തെ ന്യായീകരിക്കുന്ന പരസ്യപ്രസ്താവനയുമായി ജാമിയത്ത് ഉലമ ഇ ഹിന്ദ് നേതാവ് മഹമൂദ് മദനി. അടിച്ചമര്ത്തല് ഉണ്ടായാല് ജിഹാദും (വിശുദ്ധയുദ്ധം) ഉണ്ടാകുമെന്നായിരുന്നു ഇദ്ദേഹത്തിന്റെ പ്രസ്താവന.
സാധാരണ ഭീകരവാദികള് ഉപയോഗിക്കുന്ന വാക്കാണ് ജിഹാദ് എന്നത്. ഈയിടെ ദല്ഹിയില് ചാവേറായി കാര് സ്ഫോടനം നടത്തിയ ഹരിയാനയിലെ അല്ഫലാഹ് കോളെജിലെ ഡോക്ടറായ ഉമര്നബി താന് ജിഹാദ് നടത്തുന്നുവെന്ന് സ്ഫോടനത്തിന് മുന്പ് നടത്തിയ വീഡിയോയില് പറഞ്ഞിരുന്നു. സാധാരണ ഇസ്ലാമിക ഭീകരര് ഉപയോഗിക്കുന്ന വാക്കാണ് ഒരു ഇസ്ലാമിക പണ്ഡിതന് നടത്തിയത് എന്നതിലാണ് ആശങ്ക.
എന്താണ് ജിഹാദ്?
വിശുദ്ധയുദ്ധം എന്നാണ് ഈ അറബ് പദത്തിനര്ത്ഥം. പൊതുവേ ഇസ്ലാമിക ഭീകരസംഘടനകള് ഉപയോഗിക്കുന്ന വാക്കാണിത്. മതപരമായ ലക്ഷ്യം നേടാന് ശത്രുക്കള്ക്ക് നേരെ നടത്തുന്ന അക്രമപ്രവര്ത്തനങ്ങള്ക്കാണ് ജിഹാദ് എന്ന സൂചിപ്പിക്കുന്നത്.
മുസ്ലിങ്ങളെ അക്രമത്തിന് പ്രേരിപ്പിക്കുന്നു
ഒരു ഇസ്ലാമിക നേതാവ് പരസ്യമായി ജിഹാദിന് ആഹ്വാനം ചെയ്യുന്നത് അപൂര്വ്വമാണ്. അതാണ് മഹ്മൂദ് മദനി പറഞ്ഞത്. ഇവിടെ ന്യൂനപക്ഷ അവകാശങ്ങളെ ഇല്ലായ്മ ചെയ്യുകയാണ് നീതിന്യായവ്യവസ്ഥയും സര്ക്കാരുമെന്നും അദ്ദേഹം വിമര്ശിച്ചു. ഇന്ത്യയിലെ മുസ്ലീങ്ങളെ അക്രമത്തിന് പ്രേരിപ്പിക്കുകയും ഇന്ത്യയിലെ ഭരണഘടനാസ്ഥാപനങ്ങളെ വെല്ലുവിളിക്കുകയാണ് മഹമൂദ് മദനി ഈ പ്രസ്താവനയിലൂടെ ചെയ്തതെന്ന് ബിജെപി വിമര്ശിച്ചു.
മഹ്മൂദ് മദനിയുടെ വിവാദ പ്രസ്താവന
ബാബറി മസ്ജിദിലും മുത്തലാഖിലും കോടതി സര്ക്കാര് സമ്മര്ദ്ദത്തിന് വഴങ്ങിയെന്നാണ് മഹമൂദ് മദനി ഉയര്ത്തിയ മറ്റൊരു ആരോപണം. സുപ്രീംകോടതി സുപ്രീം ആകണമെങ്കില് ഭരണഘടന സംരക്ഷിക്കണമെന്നും മഹമൂദ് മദനി.
