സന്നിധാനം: ശബരിമല സ്വര്ണക്കൊള്ളയില് കുറ്റാരോപിതരെ സംരക്ഷിക്കാനാണ് സര്ക്കാര് ശ്രമിക്കുന്നതെന്ന് മുന് കേന്ദ്രമന്ത്രി വി. മുരളീധരന്. സന്നിധാനത്ത്് മാധ്യമപ്രവര്ത്തകരോട്് സംസാരിക്കുകയായിരുന്നു അദ്ദേഹം.
ശബരിമല കടന്ന് പോകുന്നത് വന് പ്രതിസന്ധിയിലൂടെയാണ്. രണ്ട് ദേവസ്വം പ്രസിഡന്റുമാര് അറസ്റ്റിലായത് കേട്ടുകേള്വിയില്ലാത്ത സംഭവമാണ്. നിലവിലെ അന്വേഷണത്തില് ഭക്തര്ക്ക് സംശയമുണ്ടെന്നും കേന്ദ്ര ഏജന്സി തന്നെ അന്വേഷിക്കണമെന്നും ശബരിമല ദര്ശനത്തിന് എത്തിയ അദ്ദേഹം ആവശ്യപ്പെട്ടു.
എ. പത്മകുമാര് ദൈവത്തെ പോലെ കണക്കാക്കിയ ആള് ആരെന്നത് പുറത്തുവരണം. പത്മകുമാറിനെ സിപിഎം ഇപ്പോഴും സംരക്ഷിക്കുന്നത് പത്മകുമാര് വാ തുറന്നാല് കടകംപള്ളി സുരേന്ദ്രനെ അറസ്റ്റ് ചെയ്യേണ്ടി വരും എന്നതിനാലാണ്. ശബരിമല കൊള്ളയില് സിപിഎം അന്വേഷണക്കമ്മിഷനെ നിയോഗിക്കുന്നില്ലേ എന്നും മുരളീധരന് ചോദിച്ചു.
സ്വര്ണക്കൊള്ളയില് സ്ഥാനമൊഴിഞ്ഞ ദേവസ്വം പ്രസിഡന്റിന്റെ പങ്കും പുറത്തുവരണം. മണ്ഡലകാല മുന്നൊരുക്കം നടത്താതെ ഉണ്ണികൃഷ്ണന് പോറ്റിയുടെ കൊള്ളയ്ക്ക് കൂട്ടുനി
ല്ക്കുകയായിരുന്നു ബോര്ഡ്. ഭക്തര്ക്ക് കുടിവെള്ളവും ശുചിമുറിയും ഒരുക്കാന് പോലും ബോര്ഡിനു സമയമില്ലായിരുന്നു എന്നും മുരളീധരന് പറഞ്ഞു.
രാഹുല് മാങ്കൂട്ടത്തില് എംഎല്എ സ്ഥാനം രാജിവയ്ക്കണമെന്നും അദ്ദേഹം ആവശ്യപ്പെട്ടു. പൊതുപ്രവര്ത്തകര് എന്ത് വൃത്തികേട് കാണിച്ചാലും കുഴപ്പമില്ല എന്നതാണ് കോണ്ഗ്രസ് നിലപാട്. പാര്ട്ടി നടപടിയെടുത്തു എന്ന വിശദീകരണം ഇരട്ടത്താപ്പാണ്. ആഭ്യന്തര വിഷയമാക്കി ഇതിനെ തള്ളിക്കളയാനാകില്ലെന്നും മുന് കേന്ദ്രമന്ത്രി പറഞ്ഞു.
