കണ്ണൂര്: നാമനിര്ദ്ദേശ പത്രിക പിന്വലിക്കാനുള്ള സമയം അവസാനിച്ചപ്പോള് കണ്ണൂരില് എതിരില്ലാതെ തെരഞ്ഞെടുക്കപ്പെട്ടത് 14 സ്ഥാനാര്ഥികള്.എല്ലാവരും എല്ഡിഎഫ് സ്ഥാനാര്ഥികള് !
ആന്തൂര് മുനിസിപ്പാലിറ്റിയില് അഞ്ചിടത്താണ് എല്ഡിഎഫ് സ്ഥാനാര്ഥികള് എതിരില്ലാതെ തെരഞ്ഞെടുക്കപ്പെട്ടത്. കണ്ണപുരം ഗ്രാമ പഞ്ചായത്തില് ആറ് എല്ഡിഎഫ് സ്ഥാനാര്ഥികള് എതിരില്ലാതെ തെരഞ്ഞെടുക്കപ്പെട്ടപ്പോള് മലപ്പട്ടം ഗ്രാമ പഞ്ചായത്തില് മൂന്ന് എല്ഡിഎഫ് സ്ഥാനാര്ഥികളും എതിരാളികളില്ലാതെ വിജയിച്ചു.
അതേസമയം , സി പി എം ജനാധിപത്യത്തെ ഭീഷണിയിലൂടെ കശാപ്പുചെയ്തെന്ന് കോണ്ഗ്രസ് ആരോപിച്ചു.സി പി എം അല്ലാതെ മറ്റ് ആരെങ്കിലും മത്സരിക്കാന് ഒരുമ്പെട്ടാല് പിന്നെ പ്രദേശത്ത് ജീവിക്കാന് അനുവദിക്കാത്ത സ്ഥിതിയുളളിടത്താണ് ഇത്തരത്തില് ജയം നേടിയതെന്നാണ് ആരോപണം.സി പി എം പാര്ട്ടി ഗ്രാമങ്ങളില് മറ്റൊരു പാര്ട്ടിക്കും മത്സരിക്കാനാകില്ല.
