ന്യൂദല്ഹി: ചണ്ഡീഗഡിനെ ഭരണഘടനയുടെ 240-ാം അനുച്ഛേദത്തിന് കീഴില് കൊണ്ടുവരാന് നീക്കം നടക്കുന്നതായുള്ള വാര്ത്തകള്ക്കിടെ വിശദീകരണവുമായി കേന്ദ്ര ആഭ്യന്തരമന്ത്രാലയം. കേന്ദ്രഭരണ പ്രദേശമായ ചണ്ഡീഗഡിനു വേണ്ടിയുള്ള കേന്ദ്രസര്ക്കാരിന്റെ നിയമനിര്മാണ പ്രക്രിയ ലളിതമാക്കാനുള്ള നിര്ദേശം പരിഗണനയില് മാത്രമാണെന്നും ഇക്കാര്യത്തില് അന്തിമ തീരുമാനം എടുത്തിട്ടില്ലെന്നും ആഭ്യന്തര മന്ത്രാലയം ഔദ്യോഗിക എക്സ് പോസ്റ്റില് വ്യക്തമാക്കി.
ചണ്ഡീഗഡിലെ നിലവിലുള്ള ഭരണസംവിധാനത്തില് മാറ്റംവരുത്താനോ പഞ്ചാബും ഹരിയാനയുമായുള്ള പരമ്പരാഗത ബന്ധത്തില് വ്യതിയാനമുണ്ടാക്കാനോ ഈ നിര്ദേശം ലക്ഷ്യമിടുന്നില്ല. ചണ്ഡീഗഡിന്റെ താല്പ്പര്യങ്ങള് കണക്കിലെടുത്ത് എല്ലാ പങ്കാളികളുമായും ആവശ്യമായ കൂടിയാലോചനകള്ക്ക് ശേഷം മാത്രമേ ഉചിതമായ തീരുമാനം എടുക്കൂ. ഈ വിഷയത്തില് യാതൊരു ആശങ്കയുടെയും ആവശ്യമില്ല. പാര്ലമെന്റിന്റെ വരാനിരിക്കുന്ന ശീതകാല സമ്മേളനത്തില് ഇതുസംബന്ധിച്ച ഒരു ബില്ലും അവതരിപ്പിക്കാന് കേന്ദ്രസര്ക്കാരിന് ഉദ്ദേശമില്ലെന്നും എക്സിലെ കുറിപ്പില് വ്യക്തമാക്കി. ചണ്ഡീഗഡിനെ ഭരണഘടനയുടെ 240-ാം അനു
ച്ഛേദത്തിന്റെ പരിധിയില് കൊണ്ടുവരാന് കേന്ദ്രസര്ക്കാര് നീക്കം നടത്തുന്നതായായിരുന്നു വാര്ത്തകള്.
