കോട്ടയം: അഞ്ഞൂറു കോടി രൂപ സംസ്ഥാന സര്ക്കാരിന് നഷ്ടമുണ്ടാക്കിയ കശുവണ്ടി കോര്പ്പറേഷന് അഴിമതിക്കേസില് ഐന്ടിയുസി നേതാവ് ചന്ദ്രശേഖരനെതിരെ പ്രോസിക്യൂഷന് അനുമതി നല്കാത്തത് ഡീലിന്റെ ഭാഗമാണെന്ന് ബിജെപി മുന് സംസ്ഥാന അധ്യക്ഷന് കെ. സുരേന്ദ്രന്. ചന്ദ്രശേഖരനെ രക്ഷിച്ചെടുക്കാന് സര്ക്കാര് ശ്രമിക്കുന്നത് എല്ഡിഎഫ്- യുഡിഎഫ് ഡീലാണെന്നും കോട്ടയത്ത് വാര്ത്താസമ്മേളനത്തില് അദ്ദേഹം പറഞ്ഞു.
വിചിത്രമായ കാര്യമാണ് കേരളത്തില് നടക്കുന്നത്. ഒക്കചെങ്ങായിമാരായാണ് യുഡിഎഫും എല്ഡിഎഫും പ്രവര്ത്തിക്കുന്നത്. നിരവധി അഴിമതി കേസില് ഇവര് തമ്മിലുള്ള ബാന്ധവം കേരളം കണ്ടതാണ്. ഇപ്പോള് അത് ഒന്നുകൂടെ വ്യക്തമാകുകയാണ്.
കശുവണ്ടി തൊഴിലാളികളുടെ ക്ഷേമം പറഞ്ഞ് അധികാരത്തിലെത്തിയവര് കശുവണ്ടി കോര്പ്പറേഷനിലെ അഴിമതി തേച്ചുമാച്ച് കളയുകയാണ്. ഈ അഴിമതി കേസില് സിപി
എം നേതൃത്വം പങ്കുവഹിച്ചിട്ടുണ്ടോ? എല്ഡിഎഫ്-യുഡിഎഫ് നേതാക്കള് ഇത് സംബന്ധിച്ച് ജനങ്ങളോട് വിശദീകരിക്കണം.
ശബരിമലയില് കടുത്ത മനുഷ്യാവകാശലംഘനം നടക്കുന്നു. ആറും ഏഴും മണിക്കൂര് അയ്യപ്പന്മാര് കുടിവെള്ളമില്ലാതെ ക്യൂ നില്ക്കുകയാണ്. പമ്പയിലും നിലയ്ക്കലും അടിസ്ഥാന സൗകര്യങ്ങള് ഒന്നുമില്ല. ദേവസ്വംബോര്ഡും സര്ക്കാരും പൂര്ണമായും പരാജയപ്പെട്ടിരിക്കുകയാണ്.
സ്വര്ണപ്പാളി കേസില് പദ്മകുമാറിനെ എസ്ഐടി തൊടാത്തത് എന്താണ്? അന്വേഷണം അട്ടിമറിക്കുകയാണ് സര്ക്കാര് ചെയ്യുന്നതെന്നും കെ. സുരേന്ദ്രന് പറഞ്ഞു.
