ന്യൂദൽഹി: ബീഹാർ തെരഞ്ഞെടുപ്പ് വിജയത്തിന്റെ ആഘോഷങ്ങൾ നടക്കുന്ന ബിജെപി ദൽഹി ആസ്ഥാന മന്ദിരത്തിലേക്ക് പ്രധാനമന്ത്രി നരേന്ദ്ര മോദിയും എത്തിച്ചേർന്നു. ഏറെക്കുറേ എല്ലാ കേന്ദ്ര മന്ത്രിമാരും പാർട്ടി നേതാക്കളും പങ്കെടുക്കുന്ന യോഗത്തിൽ ആയിരക്കണക്കിന് പ്രവർത്തകരാണ് എത്തിയിരിക്കുന്നത്.
ഓരോ തെരഞ്ഞെടുപ്പിലും ബിജെപിയും എൻഡിഎയും സ്വന്തം ചരിത്രംതന്നെ തിരുത്തിക്കൊണ്ടിരിക്കുകയാണെന്ന് യോഗത്തെ അഭി സംബോധന ചെയ്ത് ബിജെപി ദേശീയ അദ്ധ്യക്ഷൻ ജെ.പി. നദ്ദ പറഞ്ഞു. ബീഹാറിലെ കാട്ടുഭരണ മനസ്സുകാർ ബീഹാറിനെത്തന്നെ അപമാനിക്കുകയായിരുന്നു, അതിനുള്ള മറുപടിയാണ് ബീഹാർ ജനത കൊടുത്തതെന്ന് നദ്ദ പറഞ്ഞു.
