കണ്ണൂര് : സി പി എം സ്ഥാനാര്ത്ഥി പട്ടികയില് ഫസല് വധക്കേസ് പ്രതി കാരായി ചന്ദ്രശേഖരനും. തലശേരി നഗരസഭയില് 16ാം വാര്ഡിലാണ് ചന്ദ്രശേഖരന് മത്സരത്തിനിറങ്ങുന്നത്.
2015 ല് കാരായി ചന്ദ്രശേഖരന് തലശേരി നഗരസഭ ചെയര്മാനായിരുന്ന ഘട്ടത്തിലാണ് ഫസല് കേസില് ജില്ലയില് പ്രവേശിക്കരുതെന്ന് വിധി വരുന്നത്. തുടര്ന്ന് ചെയര്മാന് സ്ഥാനം രാജി വച്ചു.
ജാമ്യവ്യവസ്ഥയില് എറണാകുളം ജില്ല വിട്ട് പോകരുതെന്ന് പറഞ്ഞിട്ടുള്ളതിനാല് ഇരുമ്പനത്തായിരുന്നു താമസം.പിന്നീട് ഒമ്പത് വര്ഷം കഴിഞ്ഞാണ് കാരായി രാജനും കാരായി ചന്ദ്രശേഖരനും തലശേരിയിലേക്ക് മടങ്ങിയെത്തിയത്.
2006 ഒക്ടോബര് 22 നാണ് സൈദാര് പള്ളിയിലെ മുഹമ്മദ് ഫസല് അക്രമികളുടെ വെട്ടേറ്റ് കൊല്ലപ്പെട്ടത്. സിപിഎം വിട്ട് എന്ഡിഎഫില് ചേര്ന്നതിന് പിന്നാലെയായിരുന്നു ഫസല് കൊല്ലപ്പെട്ടത്.
