പട്ന: ഇക്കുറിയും മധുബനി ജില്ലയിലെ നിയോജകമണ്ഡലമായ ജന്ജാര്പൂരില് ബിജെപി മന്ത്രിയായിരുന്ന നിതീഷ് മിശ്ര വിജയിക്കും.
.ഇപ്പോള് സ്ഥാനമൊഴിഞ്ഞ നീതീഷ് കുമാര് സര്ക്കാരില് വ്യവസായമന്ത്രിയായിരുന്നു. ബീഹാറിനെ വ്യാവസായികമായി കുതിപ്പിക്കാന് ഇക്കാലയളവില് അദ്ദേഹത്തിന് സാധിച്ചു. ഗ്രാമവികസനം തൊട്ട് സാമൂഹ്യക്ഷേമം വരെ വിവിധ വകുപ്പുകളുടെ മന്ത്രിയായിട്ടുണ്ട്.
രാഷ്ട്രീയത്തിന്റെ രണ്ടറ്റവും കണ്ടയാളാണ് ബിജെപി മന്ത്രിു നിതീഷ് മിശ്ര. അധികാരത്തിന്റെയും ജീവത്യാഗത്തിന്റെയും മുഖങ്ങള് കണ്ട രാഷ്ട്രീയകുടുംബത്തിലെ അംഗം. ഒരു വശത്ത്, മൂന്ന് തവണ ബീഹാര് മുഖ്യമന്ത്രിയായിട്ടുള്ള ജഗന്നാഥ് മിശ്രയുടെ മകനാണെന്ന് പറയാം. മറുവശത്ത് ബോംബാക്രമണത്തില് കൊല്ലപ്പെട്ട അമ്മാവന് ലളിത് നാരായണ് മിശ്രയുടെ മരുമകന്. മുഴുവന് സമയ രാഷ്ടീയപ്രവര്ത്തനത്തിനൊപ്പം വിദ്യാഭ്യാസത്തിന്റെ കാര്യത്തിലും വിട്ടുവീഴ്ച ചെയ്തില്ല. യുകെയില് ആണ് ഉന്നതവിദ്യാഭ്യാസം പൂര്ത്തിയാക്കിയത്.
2015ലും 2020ലും വിജയിച്ചുകയറിയ ഇദ്ദേഹത്തിന് ഈ ജന്ജാര്പൂര് മണ്ഡലത്തിന്റെ മുക്കുമൂലകള് വരെ സുപരിചിതം. 2020ല് സിപിഐയുടെ രാം നാരായണ് യാദവിനെ 41000ല്പരം വോട്ടുകള്ക്ക് തോല്പിച്ചാണ് വിജയിച്ചത്. അതുകൊണ്ട് തന്നെ തോല്വി എന്നത് അജണ്ടയില് തല്ക്കാലമില്ല.
