പാട്ന:ബിഹാര് നിയമസഭാ തെരഞ്ഞെടുപ്പില് ദേശീയ ജനാധിപത്യ സഖ്യം (എന്ഡിഎ) അധികാര തുടര്ച്ച നേടുമെന്ന് എക്സിറ്റ് പോള് ഫലങ്ങള്. ദൈനിക് ഭാസ്കര് പ്രവചിക്കുന്നത് എന്ഡിഎ 145-160 സീറ്റുകള് നേടുമെന്നും മഹാസഖ്യം (എംജിബി) 73-91 സീറ്റുകളും മറ്റുള്ളവര് 5-10 സീറ്റുകള് നേടുമെന്നുമാണ്.
പീപ്പിള്സ് ഇന്സൈറ്റ്, എന്ഡിഎ 133-148, മഹാസഖ്യം 87-102, ജന് സ്വരാജ് പാര്ട്ടി (ജെഎസ്പി) 02, മറ്റുള്ളവര് 36 എന്നിങ്ങനെയാണ് പ്രവചിക്കുന്നത്. മെട്രിസ് 147-167 സീറ്റുകള് നേടി എന്ഡിഎയ്ക്ക് അധികാര തുടര്ച്ച പ്രവചിക്കുന്നു, പീപ്പിള്സ് പള്സും എന്ഡിഎയ്ക്ക് മുന്തൂക്കം പ്രവചിക്കുന്നു, 133-159 സീറ്റുകള്, മഹാസഖ്യം75-101, ജെഎസ്പി -05 സീറ്റുകള്.
ബിഹാര് നിയമസഭാ തെരഞ്ഞെടുപ്പിന്റെ രണ്ടാം ഘട്ടത്തില് 67.14 ശതമാനം പോളിംഗ് രേഖപ്പെടുത്തി. നവംബര് 6 ന് ആദ്യ ഘട്ടത്തില് 64.66 പോളിംഗ് നടന്നിരുന്നു.122 നിയോജകമണ്ഡലങ്ങളിലാണ് ഇന്ന് രണ്ടാം ഘട്ടത്തില് വോട്ടെടുപ്പ് നടന്നത്.
2020 ല്, ആകെ 243 സീറ്റുകളില് 125 എണ്ണവുമായി എന്ഡിഎ അധികാരം നിലനിര്ത്തി. 110 മണ്ഡലങ്ങളില് നിന്ന് 74 സീറ്റുമായി ബിജെപി സഖ്യത്തില് ഏറ്റവും കൂടുതല് സീറ്റ് നേടി. 115 ല് നിന്ന് 43 എണ്ണം ജെഡി (യു) നേടി, മത്സരിച്ച 7 സീറ്റുകളില് 4 ല് എച്ച്എഎം വിജയിച്ചു. മഹാസഖ്യം 110 സീറ്റുകളുമായി തൊട്ടുപിന്നിലുണ്ടായിരുന്നു. ആര്ജെഡി 75 സീറ്റുകളും കോണ്ഗ്രസ് 19 സീറ്റും നേടി.സിപിഐ-എംഎല് 12 സീറ്റ് നേടിയപ്പോള് സിപിഐയും സിപിഎമ്മും രണ്ട് വീതം സീറ്റുകള് നേടി.
