കോട്ടയം: കോടതിവിധി ലംഘിച്ച് ഗുരുവായൂര് ക്ഷേത്രത്തില് വീണ്ടും റീല്സ് ചിത്രീകരണം നടത്തിയെന്ന പരാതിയില് പൊലീസ് കേസെടുത്തതിനുപിന്നാലെ ന്യായീകരണവുമായി ജസ്ന സലീം.
ഇന്സ്റ്റഗ്രാമിലെ വീഡിയോയിലൂടെയാണ് ന്യായീകരണം.
ഞാന് ഒരു പുതിയ ന്യൂസ് കണ്ടു. ഗുരുവായൂര് ദേവസ്വം കലാപാഹ്വാനത്തിന് എന്റെ പേരില് വീണ്ടും കേസുകൊടുത്തു എന്നു പറഞ്ഞിട്ട്. യഥാര്ത്ഥത്തില് എന്താ സംഭവം എന്ന് ആര്ക്കും അറിയില്ല. ഞാന് മനസാ വാച അറിയാത്ത കാര്യത്തിനാണ് കേസെടുത്തിരിക്കുന്നത്. ഞാന് ഗുരുവായൂരില് നിന്ന് ഇറങ്ങിവരുന്ന വീഡിയോ ഐസിജി ചാനലുകാര് എടുത്ത് പോസ്റ്റ് ചെയ്തിരുന്നു. അത് ന്യൂസായ സമയത്ത് അവര് തന്നെ ഡിലീറ്റ് ചെയ്തിരുന്നു. അതു വച്ചിട്ടാണ് ഗുരുവായൂര് ദേവസ്വം കേസ് കൊടുത്തത്.
പണ്ട് എനിക്ക് തെറ്റു പറ്റിപ്പോയിട്ടുണ്ട്. അതിന് ഏറ്റുപറഞ്ഞ് മാപ്പു പറഞ്ഞിട്ടുണ്ടെന്നും ജസ്ന പറയുന്നു. ആ കേസില് മുറിച്ചത് മുട്ട ഉപയോഗിക്കാത്ത കേക്കാണെന്നും ജസ്ന അവകാശപ്പെടുന്നുണ്ട്.
