55-ാമത് സംസ്ഥാന ചലച്ചിത്ര പുരസ്കാരങ്ങൾ ഇന്ന് പ്രഖ്യാപിക്കും. ഉച്ചയ്ക്ക് മൂന്നരയ്ക്ക് തൃശൂര് രാമനിലയത്തില് മന്ത്രി സജി ചെറിയാന് പുരസ്കാരങ്ങള് പ്രഖ്യാപിക്കും. ജൂറി അധ്യക്ഷന് പ്രകാശ് രാജ്, ചലച്ചിത്ര അക്കാദമി ചെയര്മാന് റസൂല് പൂക്കുട്ടി തുടങ്ങിയവര് പങ്കെടുക്കും. ജൂറി സ്ക്രീനിങ് രണ്ടുദിവസം മുന്പ് പൂര്ത്തിയാക്കിയിരുന്നു. അവാര്ഡ് നിര്ണയത്തിനായെത്തിയ 128 ചിത്രങ്ങളില് 38 എണ്ണമാണ് അവസാന റൗണ്ടില് എത്തിയത്.
അവസാന ഘട്ടത്തിൽ മികച്ച നടനുള്ള പുരസ്കാരത്തിന് മമ്മൂട്ടിയും ആസിഫ് അലിയും വിജയരാഘവനും തമ്മിലാണ് പോരാട്ടമെന്നാണ് വിവരം. ഭ്രമയുഗത്തിലെ അഭിനയമാണ് മമ്മൂട്ടിയെ ശ്രദ്ധാകേന്ദ്രമാക്കിയത്. അതേസമയം കിഷ്കിന്ധാകാണ്ഡം, രേഖാ ചിത്രം,ലെവല് ക്രോസ് എന്നീ ചിത്രങ്ങളിലെ അഭിനയമാണ് ആസിഫ് അലിയെ അവസാന റൗണ്ടില് എത്തിച്ചത്. കിഷ്കിന്ധാകാണ്ഡത്തിലെ വിമുക്തഭടന് അപ്പുപിള്ളയെ അവതരിച്ച വിജയരാഘവൻ ദേശീയപുരസ്കാര നിറവിലാണ് മത്സരിക്കുന്നത്.
ആവേശത്തിലെ രങ്കണ്ണനായി വന്ന ഫഹദ് ഫാസില്, എ.ആര്.എം എന്ന ചിത്രത്തില് മൂന്നുകഥാപാത്രങ്ങളെ അവതരിപ്പിച്ച ടൊവീനോ തോമസ് എന്നിവരും ജൂറിയുടെ പരിഗണനയിലുണ്ട്.
മഞ്ഞുമ്മല് ബോയ്സ്, കാന് ചലച്ചിത്രമേളയില് മികവുകാട്ടിയ ഓള് വി ഇമാജിന് ആസ് ലൈറ്റ്, പ്രേമലു, ഉണ്ണിമുകുന്ദൻ ചിത്രം മാര്ക്കോ, ഫെമിനിച്ചി ഫാത്തിമ, ത്രിമാന ചിത്രങ്ങളായ എ.ആര്.എം, ബറോസ് അടക്കമുള്ളവ ജൂറിക്ക് മുന്നിലെത്തി.
കാന് ചലച്ചിത്രമേളയില് രാജ്യത്തിന് അഭിമാനമായ ഓള് വി ഇമാജിന് ആസ് ലൈറ്റ് എന്ന ചിത്രത്തിലെ പ്രഭയുടെ വേഷമിട്ട കനി കുസൃതി, അനുവിനെ അവതരിപ്പിച്ച ദിവ്യപ്രഭ അടക്കം മികച്ച നടിയാകാനുള്ള മത്സരത്തിനുണ്ട്. രേഖാചിത്രത്തിലെ രേഖാ പത്രോസായ അനശ്വര രാജന്, ബോഗെയ്ന് വില്ലയിലെ റീതു എന്ന എസ്തര് ഇമ്മാനുവലായി മാറിയ ജ്യോതിര്മയി, എ.ആര്.എമ്മില് മണിയന്റെ ഭാര്യയും അജയന്റെ മുത്തശ്ശിയുമായി വരുന്ന മാണിക്യത്തെ അവതരിപ്പിച്ച സുരഭി ലക്ഷ്മി, സൂക്ഷമദര്ശിനിയിലെ പ്രിയദര്ശിനിയെ അവതരിപ്പിച്ച നസ്രിയ നസീം, ഫെമിനിച്ചി ഫാത്തിമയിലെ ഫാത്തിമ, ഷംല ഹംസ എന്നിവർക്കൊക്കെ സാധ്യതയേറെ.
