ഇസ്ലാമബാദ് : ഇന്ത്യ സിന്ധുനദീജലം വഴിതിരിച്ചുവിടുമോ എന്ന കടുത്ത ഭീതിയിലാണ് പാകിസ്ഥാന് കഴിയുന്നതെന്ന് റിപ്പോര്‍ട്ട്. പഹല്‍ഗാം തീവ്രവാദ ആക്രമണത്തില്‍ പ്രതിഷേധിച്ച് സിന്ധുനദീജലക്കരാര്‍ റദ്ദാക്കിയ ഇന്ത്യയുടെ നടപടി പാകിസ്ഥാനെ കടുത്ത വരള്‍ച്ചയിലേക്ക് നയിക്കുമെന്നും സിന്ധുനദിയിലെ ജലം പാകിസ്ഥാന് നല്‍കാതെ ഇന്ത്യ വഴിതിരിച്ചുവിട്ടാല്‍ പാകിസ്ഥാന് തകരുമെന്നും ഈ റിപ്പോര്‍ട്ടില്‍ പറയുന്നു. ഐഇപി പ്രസിദ്ധീകരിച്ച ഇക്കോളജിക്കല്‍ ത്രെട്ട് റിപ്പോര്‍ട്ടിലാണ് ഇക്കാര്യം ചൂണ്ടിക്കാട്ടുന്നത്. ആസ്ത്രേല്യയിലെ സിഡ്നികേന്ദ്രമായി പ്രവര്‍ത്തിക്കുന്ന സംഘടനയാണ് ഐഇപി.
സിന്ധു നദിയുടെ മൂന്ന് പടിഞ്ഞാറന്‍ കൈവഴീനദികളായ ഇന്‍ഡസ്, ത്ഢലം, ചെനാബ് എന്നിവയില്‍ നിന്നുള്ള ജലമാണ് ഇന്ത്യ ഇതുവരെ നല്‍കിയിരുന്നത്. ഈ വെള്ളമാണ് പാകിസ്ഥാന് കൃഷിക്കും കുടിവെള്ളത്തിനുമായി മുഖ്യമായി ആശ്രയിച്ചു വരുന്നത്. ശരിക്കും പറഞ്ഞാല്‍ പാകിസ്ഥാന്റെ 80 ശതമാനം കാര്‍ഷികാവശ്യങ്ങളും നടക്കുന്നത് സിന്ധുനദിയുടെ പോഷകനദികളില്‍ നിന്നുള്ള ജലം കൊണ്ടാണ്. ഈ വെള്ളത്തില്‍ കുറവ് വന്നാല്‍ പാകിസ്ഥാന് കടുത്ത വരള്‍ച്ചയിലേക്ക് നീങ്ങും. പാകിസ്ഥാന്. പാകിസ്ഥാനിലെ അണക്കെട്ടുകള്‍ ശേഖരിച്ചിരിക്കുന്ന വെള്ളം മുപ്പത് ദിവസത്തെ ഉപയോഗത്തിനേ തികയൂ. അത് കഴിഞ്ഞാല്‍ പാകിസ്ഥാന്റെ കൃഷിക്കളം വറ്റിവരളും. ഇന്ത്യ സിന്ധുനദീയുടെ പോഷകനദികളുടെ ഒഴുക്കി ചെറുതായി തടഞ്ഞാല്‍പോലും പാകിസ്ഥാന് തകരും. ഈ ഭീതിയിലാണ് ഇപ്പോള്‍ പാകിസ്ഥാനിലെ കര്‍ഷകര്‍ കഴിയുന്നതെന്നും റിപ്പോര്‍ട്ടില്‍ ചൂണ്ടിക്കാട്ടുന്നു.
ഇന്ത്യയില്‍ ഉത്ഭവിച്ച് പാകിസ്ഥാനിലേക്ക് ഒഴുകുന്ന സിന്ധു നദിയിലെ ജലം പൂര്‍ണ്ണമായും തടയാനുള്ള തീരുമാനമാണ് ഇന്ത്യ എടുത്തത്. പഹല്‍ ഗാം ഭീകരാക്രമണം നടത്തിയതിന്റെ പേരില്‍ പാകിസ്ഥാനെ ഒരു പാഠം പഠിപ്പിക്കുക എന്ന ലക്ഷ്യത്തോടെ ഇന്ത്യ ഈ തീരുമാനം എടുത്തത്.
