മൂവാറ്റുപുഴ : ഒന്നര ലക്ഷത്തോളം രൂപ വിലവരുന്ന ചെമ്പ് കോയിലുകളും, പിച്ചളയും മോഷ്ടിച്ച കേസിൽ രണ്ട് പേർ അറസ്റ്റിൽ. വെസറ്റ് ബംഗാൾ ചാർ മുൻഷിപ്പാറ സ്വദേശികളായ ശ്രീമന്ദ മണ്ഡൽ (22 ), സനത് മണ്ഡൽ (22 ) എന്നിവരെയാണ് വാഴക്കുളം പോലീസ് അറസ്റ്റ് ചെയ്തത്.
15 ന് രാത്രിയായിരുന്നു മോഷണം. കല്ലൂർക്കാട് ജംഗ്ഷൻ ഭാഗത്തുള്ള എ.എം.വി ഓൾഡ് മെറ്റൽ എന്ന സ്ഥാപനത്തിന്റെ മേൽക്കൂര മുറിച്ച് അകത്ത് കടന്ന് 8 ചാക്കുകളിലായി സൂക്ഷിച്ചിരുന്ന 200 കിലോ ഗ്രാമോളം തൂക്കം വരുന്ന ചെമ്പ് കോയിലുകളും പിച്ചള ക്ഷണങ്ങളും കവർന്ന് കടന്ന് കളയുകയായിരുന്നു. ശാസ്ത്രീയ അന്വേഷണത്തിൽ മുവാറ്റുപുഴയിൽ നിന്നുമാണ് ഇവരെ കസ്റ്റഡിയിലെടുത്തത്.
എസ്. ഐ മാരായ എസ്.എൻ സുമിത, പി.എൻ പ്രസാദ്, പി.എസ് ജോജി, എ.എസ്.ഐ സനബ, സ്നിയർ സി.പി.ഒ കെ.എൻ അനീഷ്, സി.പി.ഒ പി.ടി അനീഷ് എന്നിവരുൾപ്പെട്ട പോലീസ് ടീമാണ് പ്രതികളെ അറസ്റ്റ് ചെയ്തത്. കോടതിയിൽ ഹാജരാക്കി റിമാൻഡ് ചെയ്തു.
