കൊച്ചി: കൊച്ചിന് കോര്പറേഷനില് 21.5 കോടിയുടെ പട്ടികജാതി വികസനഫണ്ട് ചെലവഴിക്കാതെ ലാപ്സാക്കിയതായി ബിജെപി പട്ടികജാതി മോര്ച്ച സംസ്ഥാന പ്രസിഡന്റ് ഷാജുമോന് വട്ടേക്കാട്. 2021- 2022 മുതല് 2025- 2026 വരെ കൊച്ചിന് കോര്പറേഷന് പട്ടികജാതി ക്ഷേമത്തിന് 41,76,13,456 രൂപയാണ് ലഭിച്ചത്. ഇതില് 20,20,58,679 രൂപയാണ് ചെലവഴിച്ചത്. 21,51,54,777 രൂപയുടെ പട്ടികജാതി വികസന ഫണ്ട് ചെലവഴിച്ചില്ല. കോര്പറേഷന് ഭരണ സമിതിയുടെ ഗുരുതര വീഴ്ചയും ചട്ടലംഘനവുമാണിതെന്ന് അദ്ദേഹം പറഞ്ഞു.
പട്ടികജാതി വിഭാഗങ്ങള്ക്ക് ഭൂമി, വീട്, വിദ്യാഭ്യാസം, തൊഴില്, കുടിവെള്ളം തുടങ്ങിയ പ്രാഥമിക അടിസ്ഥാന വികസന സൗകര്യങ്ങള്ക്കും മറ്റു ക്ഷേമ വികസന പ്രവര്ത്തനങ്ങള്ക്കും ഉപയോഗിക്കേണ്ട തുകയാണ് അനാസ്ഥകൊണ്ട് ചെലവഴിക്കാതെ പോയത്. ഭരണസമിതിയുടെ വികസന പരാജയമാണ് ഇതിലൂടെ പുറത്തു വന്നിരിക്കുന്നത്.
പാവപ്പെട്ട പട്ടികജാതിക്കാരോട് കടുത്ത വഞ്ചനയാണ് കാണിച്ചിരിക്കുന്നത്. പട്ടികജാതി ജനതയോട് വഞ്ചന കാണിച്ച കോര്പറേഷന് ഭരണസമിതിക്കെതിരെ പട്ടികജാതി മോര്ച്ചയുടെ ആഭിമുഖ്യത്തില് ശക്തമായ പ്രക്ഷോഭം സംഘടിപ്പിക്കും.
ഫണ്ട് ചെലവഴിക്കാത്തതിനെ സംബന്ധിച്ച് അന്വേഷണം നടത്തണമെന്നാവശ്യപ്പെട്ട് ദേശീയ പട്ടികജാതി കമ്മീഷന് പരാതി നല്കിയതായും ഷാജുമോന് പ്രസ്താവനയില് പറഞ്ഞു.
