ന്യൂദല്ഹി: തെരുവ് നായ് പ്രശ്നത്തില് എബിസി നിയമങ്ങള് നടപ്പാക്കാന് സ്വീകരിച്ച നടപടികള് സംബന്ധിച്ച് സത്യവാങ്ങ്മൂലം നല്കാതിരുന്നതിന് കേരളമടക്കമുള്ള സംസ്ഥാനങ്ങളിലെ ചീഫ് സെക്രട്ടറിമാര് നേരിട്ടുഹാജരാകണമെന്ന് സുപ്രീം കോടതി ഉത്തരവായി. പശ്ചിമ ബംഗാള്, തെലങ്കാന എന്നിവ ഒഴികെയുള്ള എല്ലാ സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും ചീഫ് സെക്രട്ടറിമാര്ക്കാണ് സുപ്രീം കോടതി സമന്സ് അയച്ചത്. ആഗസ്റ്റ് 22 ന് സത്യവാങ്മൂലം സമര്പ്പിക്കാന് കോടതി നിര്ദ്ദേശിച്ചിരുന്നു്. എന്നാല് പശ്ചിമ ബംഗാള്, തെലങ്കാന, ഡല്ഹി മുനിസിപ്പല് കോര്പ്പറേഷന് എന്നിവ മാത്രമാണ് സത്യവാങ്മൂലം സമര്പ്പിച്ചത്. ഇതിന്റെ കാരണം വിശദീകരിക്കാന് വീഴ്ച വരുത്തിയ സംസ്ഥാനങ്ങളുടെയുംകേന്ദ്രഭരണ പ്രദേശങ്ങളുടെയും ചീഫ് സെക്രട്ടറിമാര് അടുത്ത തിങ്കളാഴ്ച ഹാജരാകണമെന്നാണ് നിര്ദേശം.
സത്യവാങ്ങ്മൂലം സമര്പ്പിച്ചില്ലെന്നു മാത്രമല്ല, സമയം നീട്ടി ചോദിക്കാന് പോലും സംസ്ഥാനങ്ങള് തയ്യാറായില്ലെന്നും സംഭവവികാസങ്ങളില് അതൃപ്തി പ്രകടിപ്പിച്ച ജസ്റ്റിസ് വിക്രം നാഥ് ചൂണ്ടിക്കാട്ടി.
