തിരുവന്തപുരം: ബിജെപി നേതാവ് പി.കെ. കൃഷ്ണദാസിന്റെ നേതൃത്വത്തില് പ്രവര്ത്തിക്കുന്ന സാമൂഹിക സംഘടനയായ നമോ സേവാ കേന്ദ്രവും ഉന്നതി ഫൗണ്ടേഷനും ചേര്ന്ന് സംഘടിപ്പിക്കുന്ന വിദ്യാഭ്യാസ കോണ്ക്ലേവ് ജ്ഞാനോത്സവം 2025 നവംബര് 1-ന് കാട്ടാക്കടയില് നടക്കും.
പരിപാടിയുടെ ഔപചാരിക ഉദ്ഘാടനം മുന് ഐഎസ്ആര്ഒ ചെയര്മാന് ഡോ. എസ്. സോമനാഥ് നിര്വഹിക്കും. ഉദ്ഘാടനത്തിന് ഷേഷം അദ്ദേഹം കാട്ടാക്കട മേഖലയിലെ തിരഞ്ഞെടുക്കപ്പെട്ട വിദ്യാര്ത്ഥികളുമായി സംവദിക്കും.
കോണ്ക്ലേവിന്റെ ഭാഗമായി വിദഗ്ധരുടെ നേതൃത്വത്തില് സൈക്കോമെട്രിക് ടെസ്റ്റില് പങ്കെടുക്കാനുള്ള അവസരം ഒരുക്കിയിട്ടുണ്ട്. താല്പ്പര്യമുള്ള വിദ്യാര്ത്ഥികള്ക്ക് വേദിയില് തന്നെ രജിസ്റ്റര് ചെയ്യാനാകും.
കേരള ആരോഗ്യ സര്വകലാശാല, കേരള സര്വകലാശാല വൈസ് ചാന്സലര് പ്രൊഫ. (ഡോ.) മോഹനന് കുന്നുമ്മല്, വിക്രം സാരാഭായി ബഹിരാകാശ കേന്ദ്രം (വി എസ് എസ് സി) ഡയറക്ടര് ഡോ. രാജരാജന് എന്നിവര് പങ്കെടുക്കുന്ന വിശേഷ സെഷനുകളും പരിപാടിയുടെ ഭാഗമായിരിക്കും.
ഇതോടൊപ്പം ഐ എസ് ആര് ഒ ഉള്പ്പെടെയുള്ള പ്രമുഖ ഗവേഷണ സ്ഥാപനങ്ങളുടെയും സംഘടനകളുടെയും പ്രദര്ശനങ്ങളും സ്റ്റാളുകളും കോണ്ക്ലേവില് ഒരുക്കിയിട്ടുണ്ട്.
താല്പ്പര്യമുള്ള വിദ്യാര്ത്ഥികള് ഈ മാസം 30 ന് വൈകുന്നേരം 5 മണിക്ക് മുമ്പ് ഓണ്ലൈന് ലിങ്ക് വഴിയോ ക്യു ആര് കോഡ് വഴിയോ രജിസ്റ്റര് ചെയ്യണം.
