തൃശൂര്:ജീവനക്കാരുടെ വിദ്യാഭ്യാസക്കുറവ് കേരള കലാമണ്ഡലത്തെ പ്രതിസന്ധിയിലാക്കുന്നുവെന്ന ചാന്സലര് മല്ലിക സാരാഭായിയുടെ പരാമര്ശം തള്ളി വൈസ് ചാന്സലര് ഡോ. ആര് അനന്തകൃഷ്ണന്. കലാമണ്ഡലത്തിലെ നിയമനങ്ങള് സുതാര്യമെന്നാണ് ഡോ .അനന്തകൃഷ്ണന്റെ അവകാശവാദം.
എല്ഡിഎഫും യുഡിഎഫും രാഷ്ട്രീയ നിയമനം നടത്തിയത് കാരണം യോഗ്യതയില്ലാത്തവര് ജീവനക്കാരായി കടന്നു കൂടിയെന്നാണ് വിഖ്യാത നര്ത്തകി കൂടിയായ മല്ലിക സാരാഭായി പറഞ്ഞത്. ഇംഗ്ലീഷില് ഇമെയില് അയയ്ക്കാന് പോലും ജീവനക്കാര്ക്ക് അറിയില്ലെന്നും അവര് പറഞ്ഞു.
2022 ല് ഗവര്ണര് പദവി വഹിച്ച ആരിഫ് മുഹമ്മദ് ഖാനുമായി കൊമ്പുകോര്ത്തതിനെ തുടര്ന്നാണ് മല്ലിക സാരാഭായിയെ കല്പിത സര്വകലാശാല ചാന്സലറായി സര്ക്കാര് നിയമിച്ചത്. മല്ലിക സാരഭായിയുടെ വിമര്ശനം സര്ക്കാരിനെയും എല്ഡിഎഫിനെയും ഞെട്ടിച്ചിരിക്കുകയാണ്.
