കൊച്ചി: കൊച്ചി റീജിയണല് പാസ്പോര്ട്ട് ഓഫീസ് മേധാവിയായി ഉദ്യോഗസ്ഥനായ ദിപിന് പി.ആര് ചുമതലയേറ്റു. 2017 ബാച്ചിലെ ഇന്ത്യന് ഫോറിന് സര്വീസ് ഓഫീസറായ ഇദ്ദേഹം എറണാകുളം ജില്ലയിലെ കളമശേരി സ്വദേശിയാണ്.
ഇതിനുമുമ്പ്, വിദേശകാര്യ മന്ത്രാലയത്തിന്റെ ഇന്തോ-പസഫിക് ഡിവിഷനില് അണ്ടര് സെക്രട്ടറിയായി സേവനം അനുഷ്ഠിക്കുകയായിരുന്നു. ഹംബന്ടോട്ടയിലെ ഇന്ത്യന് കോണ്സല് ജനറലായും പ്രവര്ത്തിച്ചിട്ടുണ്ട്. കൊളംബോയിലെ ഇന്ത്യന് ഹൈക്കമ്മീഷന്, വിദേശകാര്യ മന്ത്രാലയത്തിലെ അമേരിക്കാസ് ഡിവിഷന്, പ്രവാസികാര്യ വിഭാഗം എന്നിവിടങ്ങളിലും വിവിധ പദവികള് വഹിച്ചിട്ടുണ്ട്.
സിവില് സര്വീസസില് ചേരുന്നതിന് മുമ്പ്, അദ്ദേഹം മര്ച്ചന്റ് നേവിയില് മറൈന് എഞ്ചിനീയറായി സേവനമനുഷ്ഠിച്ചിട്ടുണ്ട്.
