കൊച്ചി: സിഐഎസ്എഫിലെ വിരമിച്ച ഉദ്യോഗസ്ഥര്ക്ക് സിആര്പിഎഫ് മദ്യ കാന്റീനില് നിന്നോ സെന്ട്രല് ആംഡ് പോലീസ് ഫോഴ്സിന്റെ മറ്റേതെങ്കിലും മദ്യ കാന്റീനുകളില് നിന്നോ കാന്റീന് മദ്യ മാനേജ്മെന്റ് സിസ്റ്റം (സിഎല്എംഎസ്) വഴി മദ്യം വാങ്ങാന് അര്ഹതയുണ്ടെന്ന് ഹൈക്കോടതി വ്യക്തമാക്കി.
സിഐഎസ്എഫ് ഡയറക്ടര് ജനറലിനോട് സിഎല്എംഎസ് ആവശ്യകതകള്ക്കനുസൃതമായി വിരമിച്ച സിഐഎസ്എഫ് ഉദ്യോഗസ്ഥരുടെ ഡാറ്റ മറ്റ് സിഎപിഎഫ് ഉദ്യോഗസ്ഥരുടെ മദ്യ കാന്റീനുകളുമായി പങ്കിടാന് ജസ്റ്റിസ് എന്. നാഗരേഷിന്റെ ബെഞ്ച് നിര്ദ്ദേശിച്ചു. കൂടാതെ, സിഎല്എംഎസ് സിസ്റ്റം വഴി വിരമിച്ച സിഐഎസ്എഫ് ഉദ്യോഗസ്ഥര്ക്ക് മദ്യം വില്ക്കുന്നത് തുടരാന് സിആര്പിഎഫ് ഡയറക്ടര് ജനറലിനോടും തിരുവനന്തപുരത്തെ പള്ളിപ്പുറത്തുള്ള സിആര്പിഎഫ് ഡെപ്യൂട്ടി ഇന്സ്പെക്ടര് ജനറലിനോടും കോടതി ഉത്തരവിട്ടു.
2024 ജൂണ് 28ന് ഡയറക്ടര് ജനറല് ഓഫ് സിഐഎസ്എഫ് പുറപ്പെടുവിച്ച ഉത്തരവ് ചോദ്യം ചെയ്ത് സിഐഎസ്എഫ് എക്സ്-സര്വീസ് വെല്ഫെയര് അസോസിയേഷനും മൂന്ന് വിരമിച്ച സിഐഎസ്എഫ് ഉദ്യോഗസ്ഥരും സമര്പ്പിച്ച ഹര്ജികള് പരിഗണിച്ചാണ് ഹൈക്കോടതിയുടെ ഉത്തരവ്.
