മേടക്കൂറ്: അശ്വതി, ഭരണി, കാര്ത്തിക (1/4)
പാര്ട്ണര്ഷിപ്പ് ബിസിനസ്സില് ചതിയില്പ്പെടാനിടയുണ്ട്. ധനനഷ്ടവും മാനഹാനിയും വന്നുചേരും. കുടുംബത്തില്നിന്ന് വിട്ടുനില്ക്കേണ്ട അവസ്ഥ സംജാതമാകും. എല്ലാവരുമായി തര്ക്കത്തില് ഏര്പ്പെടാനുള്ള പ്രവണത ഉണ്ടാകും. മുന്പ് ചെയ്തുവച്ച കാര്യങ്ങളില്നിന്ന് ആദായം ലഭിക്കും.
ഇടവക്കൂറ്: കാര്ത്തിക (3/4), രോഹിണി, മകയിരം (1/2)
വിദേശത്തുനിന്ന് സന്തോഷകരമായ ഇ-മെയില് സന്ദേശങ്ങള് ലഭിക്കുന്നതാണ്. ദൂരയാത്രകള്ക്ക് അവസരമുണ്ടാകും. സാമ്പത്തികനേട്ടങ്ങള് ഉണ്ടായേക്കും. പരസ്യങ്ങള്, ഏജന്സി ഏര്പ്പാടുകള് തുടങ്ങിയവ മുഖേന ആദായം പ്രതീക്ഷിക്കാം. ആഭരണ വ്യാപാരികള്ക്ക് ഈ സന്ദര്ഭം വളരെ അനുകൂലമാണ്.
മിഥുനക്കൂറ്: മകയിരം (1/2), തിരുവാതിര, പുണര്തം (3/4)
മറ്റുള്ളവരുടെ ആദരവിന് പാത്രീഭൂതനാകും. സഹോദരരില്നിന്നും അയല്ക്കാരില്നിന്നും നല്ല സഹകരണമുണ്ടാകും. വാഹനങ്ങളില്നിന്നും കൃഷിയില്നിന്നും വരുമാനമുണ്ടാകും. ഗൃഹത്തില്നിന്ന് അകന്നുകഴിയേണ്ടിവരും. കടം കൊടുത്ത പണം പലിശയടക്കം തിരികെ ലഭിക്കും. ദേഹാരിഷ്ടതകള് വന്നുചേരും.
കര്ക്കടകക്കൂറ്: പുണര്തം (1/4), പൂയം, ആയില്യം
വാഹനങ്ങളില്നിന്നുള്ള വരുമാനം വര്ധിക്കും. ചില വിലപ്പെട്ട സമ്മാനങ്ങളോ പ്രശംസാപത്രങ്ങളോ ലഭിക്കും. ഭൂമി കച്ചവടത്തില്നിന്ന് ആദായം ഉണ്ടാകും. താല്ക്കാലിക നിയമനം കിട്ടിയവര് സ്ഥിരീകരണത്തിന് ശ്രമിക്കുന്നത് വിജയിക്കും.
ചിങ്ങക്കൂറ്: മകം, പൂരം, ഉത്രം (1/4)
ഉദ്യോഗത്തില്നിന്ന് പലവിധ നേട്ടങ്ങളുണ്ടാകും. പ്രമോഷന് സാധ്യതയുണ്ട്. വ്യവഹാരത്തില് അനുകൂല തീരുമാനമുണ്ടാകും. ചില്ലറ അസുഖങ്ങള് പിടിപ്പെടും. ഭക്ഷണ, വസ്ത്രധാരണ കാര്യത്തില് കൂടുതല് ശ്രദ്ധിക്കും. വ്യാപാരത്തില് പുരോഗതിയുണ്ടാകും.
കന്നിക്കൂറ്: ഉത്രം (3/4), അത്തം, ചിത്തിര (1/2)
കുടുംബജീവിതം സുഖകരമായിരിക്കും. കുടുംബസ്വത്തുക്കള് കൈകാര്യം ചെയ്യാനവസരമുണ്ടാകും. നിരവധി കാലമായി വെച്ചുപുലര്ത്തുന്ന ആഗ്രഹങ്ങള് സാധിക്കും. വൃദ്ധജനങ്ങള്ക്ക് മജ്ജ സംബന്ധമായ അസുഖങ്ങള് പിടിപെട്ടേക്കും. പരീക്ഷകളില് ഉന്നത വിജയം കൈവരിക്കും. പുണ്യസ്ഥലങ്ങള് സന്ദര്ശിക്കും. കുടുംബത്തില് സുഖവും സമാധാനവും നിലനില്ക്കും.
തുലാക്കൂറ്: ചിത്തിര (1/2), ചോതി, വിശാഖം (3/4)
ഭൂമിവില്പ്പനയില് വന്തോതിലുള്ള വരുമാനവര്ധന ഉണ്ടാകും. പ്രൊമോഷന് ലഭിക്കും. ഏറ്റെടുത്ത സംഗതികളിലെല്ലാം വിജയം കൈവരിക്കും. പത്രപ്രവര്ത്തകര്ക്ക് അനുകൂല സമയമാണ്. കാര്ഷികാദായം വര്ധിക്കും. ആരോഗ്യനില മെച്ചപ്പെടും. പിതൃസ്വത്തിന്മേല് അവകാശത്തര്ക്കമുണ്ടാകും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
ചില ദൈവിക കര്മങ്ങള് നിര്വഹിക്കും. ബാങ്കുകളിലും സര്വീസ് സ്ഥലങ്ങളിലും മറ്റും ജോലിക്ക് ശ്രമിക്കുന്നവര്ക്ക് ആഗ്രഹം സാധിക്കും. ഷെയറുകളില് നല്ല രീതിയില് വരുമാനം വര്ധിക്കും. പല കാര്യങ്ങളിലും ത്യാഗസന്നദ്ധത പ്രകടിപ്പിക്കും. വിജയിക്കാത്ത പല കാര്യങ്ങളും ഏറ്റെടുത്ത് വിജയിപ്പിക്കും.
ധനുക്കൂറ്: മൂലം, പൂരാടം, ഉത്രാടം (1/4)
ശത്രുക്കളുടെ പ്രവര്ത്തനത്തെ പരാജയപ്പെടുത്തും. പുണ്യസ്ഥലങ്ങള് സന്ദര്ശിക്കും. കുടുംബത്തില് ചില മംഗളകാര്യങ്ങള് നടക്കുവാന് സാധ്യതയുണ്ട്. ഷെയറില്നിന്നുള്ള വരുമാനം വര്ധിക്കും. കുടുംബത്തിലെ വിഷമതകളും അഭിപ്രായ വ്യത്യാസങ്ങളും ഒരളവുവരെ അവസാനിക്കും.\
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
ജോലിയില് വളരെ ശുഷ്കാന്തിയോടെ ഏര്പ്പെടുന്നത് കാണാം. രക്തദൂഷ്യംകൊണ്ടുള്ള ചില രോഗങ്ങള് പിടിപെടും. പാര്ട്ണര്മാരുമായി അഭിപ്രായവ്യത്യാസമുണ്ടാകും. സന്താനങ്ങള്ക്ക് എല്ലാവിധ ഐശ്വര്യങ്ങളുമുണ്ടാകും. പുണ്യസ്ഥലങ്ങള് സന്ദര്ശിക്കും. പുതിയ വ്യാപാരശ്രമങ്ങളിലേര്പ്പെടും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
വ്യവസായത്തില് തൊഴില്പ്രശ്നം ഉദയം ചെയ്യും. പുണ്യസ്ഥലങ്ങള് സന്ദര്ശിക്കും. ഹോട്ടല്, കാന്റീന് എന്നീ വ്യാപാരം നടത്തുന്നവര്ക്ക് അനുകൂല സമയമാണ്. പിതാവിന് പേരും പെരുമയും വര്ധിക്കും. കുടുംബത്തില് സ്വസ്ഥത കൈവരും. തീരുമാനത്തിലുറച്ച്നിന്ന് അതനുസരിച്ച് പ്രവര്ത്തിക്കും.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
പൂര്വികസ്വത്ത് കൈവശം വന്നുചേരും. മനസ്സിന് ഉന്മേഷവും കാര്യങ്ങളില് പുരോഗതിയുമുണ്ടാകും. ഉന്നതരായ വ്യക്തികളില്നിന്ന് നേട്ടങ്ങളുണ്ടാകും. സര്ക്കാര് ജോലി ലഭിക്കുകയും ചെയ്യും. എന്ജിനീയറിങ്, കമ്പ്യൂട്ടര് മുതലായവയില് പ്രവര്ത്തിക്കുന്നവര്ക്ക് നല്ല സമയമാണ്.
