തിരുവനന്തപുരം: കഴക്കൂട്ടത്ത് യുവതിയെ ഹോസ്റ്റലില് കയറി പീഡിപ്പിക്കാന് ശ്രമിച്ച കേസിലെ പ്രതിയെ തിരിച്ചറിഞ്ഞെന്ന് സൂചന. ഇതര സംസ്ഥാനക്കാരനാണ് പ്രതിയെന്നാണ് സൂചനകള്.
സിസിടിവി ദൃശ്യങ്ങള് പരിശോധിച്ച് നടത്തിയ അന്വേഷണത്തിലാണ് പ്രതിയെ തിരിച്ചറിഞ്ഞത്. 50-ലധികം ഉദ്യോഗസ്ഥര് അടങ്ങുന്ന സംഘം പ്രതിയെ കണ്ടെത്താന് തിരച്ചില് നടത്തുകയാണ്.
കഴിഞ്ഞ ദിവസമാണ് 25കാരിയായ ഐടി ജീവനക്കാരിയെ ടെക്നോപാര്ക്കിന് സമീപമുള്ള ഹോസ്റ്റല് മുറിയില്അതിക്രമിച്ച് കയറി പീഡിപ്പിക്കാന് ശ്രമിച്ചത്. അതിക്രമിച്ച് കയറിയ അജ്ഞാതന് ഉപദ്രവിക്കുകയും പ്രതിരോധിക്കാന് ശ്രമിച്ചപ്പോള് ഓടി രക്ഷപ്പെടുകയും ചെയ്തു.
പെണ്കുട്ടി പൊലീസില് വിവരമറിയിച്ചതിന് പിന്നാലെ കഴക്കൂട്ടം എസ്പിയുടെ നേതൃത്വത്തില് പ്രത്യേക സംഘത്തെ രൂപീകരിച്ച് അന്വേഷണം ആരംഭിച്ചു.
