തിരുവനന്തപുരം: തിരുവനന്തപുരം നഗരസഭയുടെ അഴമതിയിലും പദ്ധതി നടത്തിപ്പിലെ ക്രമക്കേടിലും ഉന്നത തല അന്വേക്ഷണം ആവശ്യപ്പെട്ട് ബിജെപി സിറ്റി ജില്ലാ അദ്ധ്യക്ഷൻ കരമന ജയൻ. ലോക്കൽ ഫണ്ട് ഓഡിറ്റ് റിപ്പോർട്ട്: നഗരസഭയിലെ ക്രമക്കേടുകളിലും തട്ടിപ്പിലും ഉന്നതതല അന്വേക്ഷണം വേണം : കരമന ജയൻ
അംഗീകരിച്ച പദ്ധതിയുടെ 42 ശതമാനം മാത്രമാണ് (1872 ൽ വെറും 801 എണ്ണം) നടപ്പാക്കിയത് എന്ന ലോക്കൽ ഫണ്ട് ഓഡിറ്റ് റിപ്പോർട്ട് ഞെട്ടിപ്പിക്കുന്നതാണ്. അതിൽ 192 പദ്ധതികളിൽ മാത്രമാണ് പൂർണ്ണമായി തുക ചിലവിട്ടത് എന്നത് കുറ്റകരമായ അനാസ്ഥ മാത്രമല്ല 45 വർഷം തുടർച്ചയായി ഈ നഗരം ഭരിക്കുന്ന CPM എന്ന പാർട്ടിയുടെ നഗരവാസികളോടുള്ള സമീപനത്തിന്റെ നേർ ചിത്രം കൂടിയാണന്നും കരമന ജയൻ പറഞ്ഞു.
പണം ഉണ്ടായിട്ട് പോലും ചെലവഴിക്കാത്തതും, നൂറ് കോടിയോളം രൂപയുടെ തട്ടിപ്പ് നടന്നിട്ടുള്ളതും സർക്കാരിന്റെ ഓഡിറ്റ് റിപ്പോർട്ടിൽ നിന്നുതന്നെ വ്യക്തമായ സ്ഥിതിക്ക് തിരുവനന്തപുരം നഗരസഭയുടെ കഴിഞ്ഞകാല പ്രവർത്തനങ്ങളിൽ ഒരു ഉന്നതതല അന്വേഷണം വേണമെന്നും കരമന ജയൻ ആവശ്യപ്പെട്ടു.
