നടി തമന്ന ഭാട്ടിയയെക്കുറിച്ച് നടത്തിയ പരാമര്ശത്തില് നടന് അന്നു കപൂറിന് വിമര്ശനം. യൂട്യൂബ് ചാനലിന് നല്കിയ അഭിമുഖത്തില് തമന്നയെക്കുറിച്ചും സ്ത്രീ ടുവില് തമന്ന ഡാന്സ് ചെയ്ത ആജ് കി രാത്ത് എന്ന പാട്ടിനെക്കുറിച്ചും അന്നു കപൂര് നടത്തിയ പരാമര്ശമാണ് വിമർശനത്തിന് കാരണം. തമന്നയുടേത് പാൽ പോലുള്ള ശരീരം എന്നാണ് അന്നു പറഞ്ഞത്. ഇത് വ്യാപകമായ പ്രതിഷേധത്തിന് കാരണമായി, നിരവധി ഉപയോക്താക്കൾ അദ്ദേഹത്തിനെതിരെ അനുചിതവും അനാദരവുള്ളതുമായ ഭാഷ ആരോപിച്ചു.
ശുഭാങ്കര് മിശ്രയുടെ ചാനലിന് നല്കിയ അഭിമുഖത്തിലായിരുന്നു നടന്റെ വിവാദ പരാമർശം. തമന്ന ഭാട്ടിയയുടെ ‘ആജ് കി രാത്ത്’ എന്ന ഗാനത്തെക്കുറിച്ച് ചർച്ച ചെയ്യുന്നതിനിടെ അവരുടെ വേഷവിധാനത്തെക്കുറിച്ച് കപൂർ നടത്തിയ പരാമർശമാണ് വിവാദത്തിന് തുടക്കമിട്ടത്. ആജ് കി രാത്ത് എന്ന പാട്ടിനെക്കുറിച്ച് ചോദിച്ചപ്പോഴായിരുന്നു പരാമശം. ‘ഓ മൈ ഗോഡ്, അവൾക്ക് എത്ര പാൽ പോലെയുള്ള ശരീരമാണ് ഉള്ളത്’ എന്നായിരുന്നു അദ്ദേഹം പറഞ്ഞത്.
തമന്നയുടെ ‘ആജ് കി രാത്’ എന്ന ഗാനം കേട്ട് കുട്ടികൾ ഉറങ്ങുന്നു എന്ന തമന്നയുടെ മുൻ പരാമർശം അവതാരകൻ പറഞ്ഞപ്പോഴായിരുന്നു അന്നുവിന്റെ പ്രതികരണം. ”ഏത് പ്രായത്തിലുള്ള കുട്ടികള്? 70 വയസുള്ള കുട്ടികളെക്കുറിച്ചാണോ പറയുന്നത്. ഇംഗ്ലീഷില് പറയുക 70 വയസുള്ളയാള്, 11 വയസുള്ളയാള് എന്നാണ്. 70 വയസുള്ള കുട്ടിയുമാകാം ഉറങ്ങുന്നത്. ഞാനായിരുന്നു അവതാരകനെങ്കില് ചോദിച്ചേനെ എത്ര വയസുള്ള കുട്ടികളുടെ കാര്യമാണ് പറയുന്നത്” എന്നാണ് അന്നു കപൂര് പറയുന്നത്.
സഹോദരി, തന്റെ പാട്ടു കൊണ്ടും പാലു പോലത്തെ ശരീരം കൊണ്ടും മുഖം കൊണ്ടും നമ്മുടെ കുട്ടികളെ ഉറക്കുന്നുണ്ടെങ്കില് അത് നല്ല കാര്യമാണ്. രാജ്യം മൊത്തം നിങ്ങളോട് കടപ്പെട്ടിരിക്കുന്നു. നമ്മുടെ കുട്ടികള്ക്ക് നല്ലതും മധുരകരവുമായ ഉറക്കം ലഭിക്കുന്നതില്. അവര്ക്ക് മറ്റെന്തെങ്കിലും ആഗ്രഹമുണ്ടെങ്കില് അതിനുള്ള കഴിവ് ദൈവം അവര്ക്ക് നല്കട്ടെ. അതാണ് അവര്ക്കുള്ള എന്റെ അനുഗ്രഹം” എന്നും അന്നു കപൂര് പറയുന്നുണ്ട്.
ഈ വിഡിയോ സോഷ്യല് മീഡിയയില് വൈറലായതോടെ നിരവധി പേരാണ് നടനെതിരെ രംഗത്തെത്തിയിരിക്കുന്നത്. നടന് മാപ്പ് പറയണമെന്നാണ് സോഷ്യല് മീഡിയ പറയുന്നത്. അന്നു കപൂറിന്റെ മാനസികാവസ്ഥ വളരെ മോശമാണെന്നും അദ്ദേഹം ഒരു ഞരമ്പ് രോഗിയാണെന്നും സോഷ്യല് മീഡിയ പറയുന്നു. പൊതുചർച്ചകളിൽ കുറച്ച് ബഹുമാനം കാണിക്കണമെന്ന് പലരും നടനോട് ആവശ്യപ്പെട്ടു.
