ന്യൂദല്ഹി: വാട്ട്സ്ആപ്പ് ഉപയോഗം മൗലികാവകാശമല്ലെന്ന് സുപ്രീം കോടതി. ബ്ലോക്ക് ചെയ്ത വാട്ട്സ്ആപ്പ് അക്കൗണ്ട് പുനഃസ്ഥാപിക്കണമെന്ന് ആവശ്യപ്പെട്ടുള്ള ഒരു ലേഡി ഡോക്ടറുടെ റിട്ട് ഹര്ജി തള്ളിക്കൊണ്ടാണ് കോടതി ഇക്കാര്യം വ്യക്തമാക്കിയത്. ‘മറ്റ് ആപ്പുകള് ഉണ്ടല്ലോ? നിങ്ങള്ക്ക് അവ ഉപയോഗിക്കാം. അടുത്തിടെ, ഇന്ത്യയില് നിര്മ്മിച്ച ‘അറട്ടൈ’ എന്ന തദ്ദേശീയ ആപ്പ് ഉണ്ട്, അത് ഉപയോഗിക്കുക. ജസ്റ്റിസ് മേത്ത അഭിപ്രായപ്പെട്ടു.
ഒരു ക്ലിനിക്കില് ജോലി ചെയ്യുന്ന ഹര്ജിക്കാരി ഉപഭോക്താക്കളുമായി ആശയവിനിമയം നടത്താന് കഴിഞ്ഞ കുറേ വര്ഷങ്ങളായി വാട്ട്സ്ആപ്പ് ഉപയോഗിക്കുന്നുണ്ടെന്ന് അഭിഭാഷക മഹാലക്ഷ്മി പവാനി പറഞ്ഞു. എന്നാല് അടുത്തിടെ അത് ബ്ളോക്കു ചെയ്തതോടെ ബുദ്ധിമുട്ടിലായെന്ന് അവര് ചൂണ്ടിക്കാട്ടി. എന്നാല് ഭരണഘടനയുടെ ആര്ട്ടിക്കിള് 32 പ്രകാരമുള്ള ഒരു ഹര്ജിയുമായി നേരിട്ട് സുപ്രീം കോടതിയെ സമീപിച്ചത് എന്തുകൊണ്ടാണെന്ന് അഭിഭാഷകയോട് കോടതി ആരാഞ്ഞു.
വാട്ട്സ്ആപ്പ് പുനഃസ്ഥാപിക്കണമെന്ന റിട്ട് ഹര്ജി തള്ളി, ‘അറട്ടൈ’ ഉപയോഗിക്കാമല്ലോ എന്നും സുപ്രീം കോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.