കൊച്ചി: ടാറ്റ മോട്ടോർസ് പാസഞ്ചർ വെഹിക്കിൾസ് സെപ്റ്റംബറിലെ പാസഞ്ചർ വാഹന വിൽപ്പനയിൽ രണ്ടാം സ്ഥാനത്തേക്ക് ഉയർന്നു. ശക്തവും വൈവിധ്യമാർന്നതുമായ ഉൽപ്പന്ന പോർട്ട്ഫോളിയോയുടെ പിൻബലത്തിലാണ് ടാറ്റ ഈ നേട്ടം കൈവരിച്ചത്. ടാറ്റയുടെ പഞ്ചിന്റെ വില്പന പ്രകടനമാണ് ഈ വളർച്ചയ്ക്ക് ആക്കം കൂട്ടിയത്. ഇതേ കാലയളവിൽ ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന മികച്ച അഞ്ച് കാറുകളുടെ കൂട്ടത്തിലും പഞ്ച് ഇടം നേടി. ക്ലാസ് ലീഡിംഗ് ഫീച്ചറുകൾ നിറഞ്ഞ പഞ്ച് പെട്രോൾ, സിഎൻജി, ഇലക്ട്രിക് വേരിയന്റുകളിൽ ലഭ്യമാണ്. എസ് യു വിയിലേക്ക് അപ്ഗ്രേഡ് ചെയ്യുന്ന ഉപഭോക്താക്കൾക്ക് ഏറെ ഇഷ്ടപ്പെട്ട ചോയ്സ് എന്ന നിലയിൽ മാത്രമല്ല, രാജ്യത്തുടനീളം ആദ്യ കാർ വാങ്ങുന്ന ഉപഭോക്താക്കൾക്കൾക്കിടയിലും (69 ശതമാനം) പഞ്ച് പ്രിയങ്കരനായി വേറിട്ട് നിൽക്കുന്നു
2025 ഏപ്രിൽ മുതൽ സെപ്റ്റംബർ വരെയുള്ള കാലയളവിൽ കേരളത്തിലെ ടിഎംപിവിയുടെ മൊത്തം വിൽപ്പനയുടെ 37 ശതമാനവും പഞ്ചിന്റെ സംഭാവനയാണ്. ഇത് സംസ്ഥാനത്തെ ഏറ്റവും പ്രിയപ്പെട്ട കാറുകളിലൊന്നായി പഞ്ചിനെ മാറ്റി. കൊച്ചിയിൽ മാത്രം രണ്ട് മടങ്ങ് വിൽപ്പന വളർച്ചയാണ് രേഖപ്പെടുത്തിയത്. ബോൾഡ്, സ്പോർട്ടി, യുവത്വമുള്ള ഡിസൈൻ, ഫീച്ചറുകളിൽ മുന്നിട്ടുനിൽക്കുന്ന സാങ്കേതികവിദ്യയിൽ, സെഗ്മെന്റിൽ മികച്ച സുരക്ഷ (ഐസിഇ പതിപ്പിന് ജി.എൻ.സി.എ.പി 5 സ്റ്റാർ, ഇവി പതിപ്പിന് ബി.എൻ.സി.എ.പി, ജി.എൻ.സി.എ.പി 5 സ്റ്റാർ റേറ്റിംഗ്) കൂടി നൽകികൊണ്ട് പഞ്ച് മികച്ച മൂല്യമുള്ള വാഹനമായി മരുന്നു. ഇത് സമീപകാല ജിഎസ്ടി പരിഷ്കാരങ്ങളാൽ കൂടുതൽ മെച്ചപ്പെടുത്തിയിരിക്കുന്നു. 2025 നവരാത്രിയിൽ, ടിഎംപിവിയുടെ ദേശീയ വിൽപ്പനയുടെ 33% പഞ്ച് സംഭാവന ചെയ്തു, ഇത് രാജ്യത്തെ ഏറ്റവും വിശ്വസനീയവും അഭിലാഷകരവുമായ വാഹനങ്ങളിലൊന്നായി അതിന്റെ സ്ഥാനം ഉറപ്പിച്ചു.
പഞ്ചിന്റെ വിജയത്തിന് കാരണം അതിന്റെ വ്യാപകമായ സ്വീകാര്യതയാണ്:
• ജനങ്ങളുടെ വാഹനമെന്ന നിലയിൽ: എവിടെ വേണമെങ്കിലും കൊണ്ടുപോകാൻ സാധിക്കുന്ന രീതിയിലുള്ള ഈ വാഹനം നഗരത്തിലെ റോഡുകളിലൂടെ സഞ്ചരിക്കാനും പുറത്ത് യാത്ര ചെയ്യാനും ഒരുപോലെ സൗകര്യപ്രദമായ ഒരു കാർ ആഗ്രഹിക്കുന്ന ഉപഭോക്താക്കളെ ആകർഷിക്കുന്നു. ഇതിന്റെ ഉപയോഗക്ഷമത ആദ്യമായി കാർ വാങ്ങുന്നവരെ കൂടുതൽ ആകർഷിക്കുന്നു. കൂടാതെ ഇതിന്റെ രൂപകൽപ്പനയും എളുപ്പത്തിലുള്ള ഡ്രൈവിംഗും സ്ത്രീ ഉപഭോക്താക്കൾക്കിടയിൽ ഇതിനെ കൂടുതൽ പ്രചാരമുള്ളതാക്കി – ഇപ്പോൾ പഞ്ച് ഉടമകളിൽ ഏകദേശം 25% സ്ത്രീകളാണ്.
• സുരക്ഷയും വിശ്വാസ്യതയും: പെട്രോൾ, സിഎൻജി, ഇവി വകഭേദങ്ങളിൽ 5-സ്റ്റാർ സുരക്ഷാ റേറ്റിംഗ് ലഭിച്ച ആദ്യത്തെ കാർ
• സെഗ്മെന്റ് നിർവചിക്കുന്ന ഐക്കൺ: 2021-ൽ പുറത്തിറങ്ങിയതു മുതൽ, പഞ്ച് സബ്-കോംപാക്റ്റ് എസ്യുവി വിഭാഗത്തിന് തുടക്കം കുറിച്ചു, കൂടാതെ 2024 ൽ ഇന്ത്യയിൽ ഏറ്റവും കൂടുതൽ വിറ്റഴിക്കപ്പെട്ട കാറായി മാറി. അതെ ശക്തമായ മുന്നേറ്റം തുടർന്നുകൊണ്ട്, 2025 സെപ്റ്റംബറിൽ ഇന്ത്യയിൽ ഏറ്റവും കൂടുതൽ വിറ്റഴിക്കപ്പെട്ട ആദ്യ അഞ്ച് കാറുകളിൽ ഇത് ഇടം നേടി, ആദ്യമായി വാങ്ങുന്നവർക്ക് ആത്മവിശ്വാസവും ഫീച്ചറുകളാൽ സമ്പന്നവുമായ ഒരു എസ്യുവി അനുഭവം ഇത് വാഗ്ദാനം ചെയ്യുന്നു.
• ചോയ്സും നവീനതയും: പെട്രോൾ, സിഎൻജി, ഇവി പവർട്രെയിനുകളിൽ ലഭ്യമാണ് – ഇന്ത്യയിലെ ആദ്യത്തെ ട്വിൻ-സിലിണ്ടർ ഐസിഎൻജി എസ്യുവി ഉൾപ്പെടെ – സ്ഥലം അല്ലെങ്കിൽ പ്രകടനത്തിൽ വിട്ടുവീഴ്ച ചെയ്യാതെ താങ്ങാനാവുന്ന വില പഞ്ച് ഉറപ്പാക്കുന്നു.
• വിശാലമായ അടിത്തറ: ടിയർ 1 (24%), ടിയർ 2 (47%), ടിയർ 3 (29%) നഗരങ്ങളിലായി വ്യാപിച്ചുകിടക്കുന്ന ഉടമസ്ഥാവകാശത്തോടെ ടാറ്റാ പഞ്ചിന് ഒരു യഥാർത്ഥ പാൻ-ഇന്ത്യ സാന്നിധ്യമുണ്ട്. ടിയർ 2 വിപണികളിലെ ശക്തമായ ആകർഷണം അതിന്റെ വൈവിധ്യവും വ്യാപകമായ ഉപഭോക്തൃ വിശ്വാസവും അടിവരയിടുന്നു.
രാജ്യത്തുടനീളം 6 ലക്ഷത്തിലധികം ഉപഭോക്താക്കളുള്ള ടാറ്റാ പഞ്ച്, പാസഞ്ചർ വാഹന വിപണിയിലെ ടാറ്റ മോട്ടോഴ്സിന്റെ കുതിപ്പിന് ഊർജം പകർന്ന് കൊണ്ടിരിക്കുന്നു.
