കോട്ടയം: പാലാ ബിഷപ്പ് ജോസഫ് കല്ലറങ്ങാട്ടുമായി ബി ജെ പി സംസ്ഥാന അധ്യക്ഷന് രാജീവ് ചന്ദ്രശേഖര് ചര്ച്ച നടത്തി. സഭയുമായുള്ള പ്രശ്നങ്ങള് ബിജെപി പരിഹരിക്കുമെന്ന് രാജീവ് ചന്ദ്രശേഖര് പറഞ്ഞു
ഛത്തീസ്ഗഡ് വിഷയത്തില് പ്രതിപക്ഷ കക്ഷികള് ബി ജെ പിക്കെതിരെ വ്യാജ ആരോപണങ്ങള് ഉന്നയിച്ചിരുന്നു.ഈ സാഹചര്യത്തില് ക്രൈസ്തവ സഭകളുമായി നല്ല ബന്ധം തുടരണമെന്നും തെറ്റിദ്ധാരണകള് നീക്കണമെന്നും ബി ജെ പിയില് അഭിപ്രായമുയര്ന്നു. ബിജെപി ഔട്ട് റീച്ച് സെല്ലിന്റെ കോട്ടയത്ത് നടന്ന യോഗത്തില് ഇക്കാര്യം ചര്ച്ച ചെയ്തു. ഇതിന്റെ ഭാഗമായാണ് വ്യാഴാഴ്ച പാലാ ബിഷപ്പ് ജോസഫ് കല്ലറങ്ങാട്ടുമായി രാജീവ് ചന്ദ്രശേഖര് കൂടിക്കാഴ്ച നടത്തിയത്.
ഉച്ച്ക്ക് 12 .30 ഓടെ ബിഷപ്പ് ഹൗസില് എത്തിയ രാജീവ് ചന്ദ്രശേഖര് രണ്ട് മണിക്കൂറോളം ഇവിടെ ചിലവിട്ടു. സൗഹൃദ സന്ദര്ശനമാണ് നടത്തിയതെന്ന് പാര്ട്ടി വൃത്തങ്ങള് വെളിപ്പെടുത്തി.
ബി ജെ പി വൈസ് പ്രസിഡന്റ് ഷോണ് ജോര്ജ് ഉള്പ്പെടെ ഉളളവരും രാജീവ് ചന്ദ്രശേഖറിനൊപ്പം ഉണ്ടായിരുന്നു. നേരത്തെ കാഞ്ഞിരപ്പള്ളി ബിഷപ്പുമായും കോട്ടയം രൂപത ബിഷപ്പുമായും രാജീവ് ചന്ദ്രശേഖര് കൂടിക്കാഴ്ച നടത്തിയിരുന്നു.
