വെറുമൊരു ഓറഞ്ച് നിറമണിഞ്ഞെത്തിയോരെന്നെ സംഘിയെന്ന് വിളിക്കരുതേ….ആപ്പിള്‍ ഐ ഫോണ്‍ 17ല്‍ കാവി നിറത്തിലുള്ള മോഡല്‍ ഭാരതത്തില്‍ വന്‍ ഹിറ്റ്

ന്യൂദല്‍ഹി: ആപ്പിള്‍ ഐ ഫോണ്‍ പുതുതായി പുറത്തിറക്കിയ മോഡലാണ് ഐ ഫോണ്‍ 17, ഐ ഫോണ്‍ 17 പ്രൊ, ഐ ഫോണ്‍ 17 പ്രൊ മാക്സ് എന്നിവ. ഇതില്‍ ഇന്ത്യയില്‍ യുവാക്കള്‍ക്കിടയില്‍ കൂടുതല്‍ ഹിറ്റായിരിക്കുന്നത് ഐ ഫോണ്‍ 17ന്റെ കാവി നിറത്തിലുള്ള മോഡലാണെന്ന് പറയുന്നു. ഇതോടെ കാവി നിറത്തിലുള്ള കേസോടെ ഐ ഫോണ്‍ 17 പുറത്തിറക്കിയ ആപ്പിളിനെ സംഘി എന്ന് വിളിക്കുമോ എന്ന് ചിലര്‍ നര്‍മ്മത്തോടെ ചോദിക്കുന്നു.

ഓറഞ്ച് നിറത്തിലുള്ള ഈ ഐ ഫോണ്‍ പ്രൊ സിലിക്കോണ്‍ കേസ് ആണ് പലരും ഇഷ്ടപ്പെടുന്നത്. ഈ സിലിക്കോണ്‍ കേസിന്റെ മാത്രം വില 4900 രൂപയാണ്. പുതിയ ഭാരതത്തിന്റെ നിറമായതിനാലാണ് ഈ കാവി നിറത്തോടെയുള്ള ഐ ഫോണ്‍ 17 മോഡലിനെ കൂടുതല്‍ പേര്‍ ഇഷ്ടപ്പെടുന്നത് എന്നും വിലയിരുത്തപ്പെടുന്നു. ഭാരതത്തിന്റെ മാറുന്ന രാഷ്‌ട്രീയ നിറമാണ് കാവിയെന്നും അതാണ് ഈ ഓറഞ്ച് ആപ്പിള്‍ ഐ ഫോണ്‍ 17നെ കൂടുതല്‍ പേര്‍ ആവശ്യപ്പെടുന്നതെന്നും നിരീക്ഷിക്കപ്പെടുന്നു.

Apple Goes Orange… India Goes Crazy pic.twitter.com/JD0OP21GrV

— Sonal Mehrotra Kapoor (@Sonal_MK) September 19, 2025

ഇന്ത്യാ ടൂഡേയുടെ സീനിയര്‍ എഡിറ്റര്‍ സൊണാല്‍ മെഹ്റോത്ര കപൂര്‍ ഈ ഐ ഫോണ്‍ 17ന്റെ ഓറഞ്ച് മോഡലിനെ എക്സില്‍ പരിചയപ്പെടുത്തിയിരുന്നു. ഇന്ത്യയുടെ കാവിയോടുള്ള അഭിനിവേശം ഓറഞ്ച് ഐ ഫോണ്‍ തെരഞ്ഞെടുപ്പിലും പ്രതിഫലിക്കുന്നുവെന്നും സൊണാല്‍ മെഹ്റോത്ര കപൂര്‍ പറയുന്നു.

പുതിയ ഐ ഫോണ്‍ 17 പുതിയ മാറ്റങ്ങളോടെയാണ് പുറത്തുവന്നത്. സ്ക്രീനിന്റെ വലിപ്പം 6.1 ഇഞ്ചില്‍ നിന്നും 6.3 ഇഞ്ചായി. റിഫ്രെഷ് റേറ്റ് 60 ഹെര്‍ട്സില്‍ നിന്നും 120 ഹെര്‍ട്സ് ആക്കി ഉയര്‍ത്തി. ഇതോടെ ഈ മെയിലുകള്‍ സ്ക്രോള്‍ ചെയ്യലും ഗെയിം കളിക്കലും അനായാസമാകും. കൂടുതല്‍ നവീകരിച്ച റിയര്‍ ക്യാമറ ഇതില്‍ ഉണ്ട്. വളരെ മെച്ചപ്പെട്ട സെല്‍ഫി ഫോണ്‍ എല്ലാ ഉപഭോക്താക്കളേയും ഇതിലേക്ക് ആകര്‍ഷിക്കുന്ന ഒരു ഘടകമാണ്. .