ചെന്നൈ: നടന് വിജയിനെ അറസ്റ്റ് ചെയ്യാന് ഭയന്ന് തമിഴ് നാട് മുഖ്യമന്ത്രി സ്റ്റാലിനും മകന് ഉദയനിധി സ്റ്റാലിനും. ഇരുവരും നടന് വിജയനെതിരെ ശക്തമായ വിമര്ശനങ്ങള് ഉയര്ത്തിയെങ്കിലും കരൂരില് ഒന്നരലക്ഷം മുതല് രണ്ട് ലക്ഷം യുവാക്കളെ അണിനിരത്തിക്കൊണ്ടുള്ള വിജയിന്റെ റാലി അക്ഷരാര്ത്ഥത്തില് സ്റ്റാലിനെയും മകനെയും അമ്പരപ്പിച്ചിരിക്കുകയാണ്.
കാരണം ഡിഎംകെയുടെ മക്കള് രാഷ്ട്രീയത്തിന്റെ കടയ്ക്കലാണ് നടന് വിജയ് ഏതാനും നാളുകളായി കത്തിവെച്ചിരിക്കുന്നത്. തമിഴ്നാട്ടിനെ മക്കള് രാഷ്ട്രീയത്തിന്റെ കരിനിഴലില് നിന്നും രക്ഷിക്കണമെന്ന് വിജയ് ആഹ്വാനം ചെയ്യുന്നു. അറസ്റ്റ് ചെയ്താല് വിജയിനുള്ള പിന്തുണ ഇരട്ടിയാകുമെന്നും ഡിഎംകെ ഭയപ്പെടുന്നു. പുറത്ത് റാലി നടത്തുന്ന വിജയിനേക്കാള് ശക്തനായിരിക്കും അറസ്റ്റ് ചെയ്ത് ജയിലിലിടുന്ന വിജയ് എന്ന് സ്റ്റാലിനും മകനും ഭയയ്ക്കുന്നു. തനിക്ക് ശേഷം തന്റെ മകന് അതിന് ശേഷം തന്റെ മകന് എന്നിങ്ങനെ പോകുന്ന അധികാരത്തുടര്ച്ച തമിഴ്നാടിന്റെ ശാപമാണെന്നും വിജയ് വിമര്ശനമുന്നയിച്ചതോടെ തമിഴ്നാട്ടില് സ്റ്റാലിനെതിരായ അമര്ഷവും വിജയിനുള്ള സ്വീകാര്യതയും വര്ധിക്കുകയാണ്. ഡിഎംകെയുടെ മണ്ഡലമാണ് കരൂര് നിയമസഭാ മണ്ഡലം. ഈ കലാപത്തിന് പിന്നില് രാഷ്ട്രീയശക്തികളുടെ ഗൂഢാലോചന നടന്നിട്ടുണ്ടെന്നും ആസൂത്രിതമായി ചിലര് കല്ലേറും പൊലീസ് ലാത്തിച്ചാര്ജ്ജും നടത്തി എന്നാണ് നടന് വിജയ് ആരോപിക്കുന്നത്. അതേ സമയം വിജയ് മനപൂര്വ്വം മണിക്കൂറുകള് വൈകി വേദിയില് എത്തിയതാണ് പ്രശ്നമായതെന്ന് ഡിഎംകെ ആരോപിക്കുന്നു. ഇതാണ് ഉള്ക്കൊള്ളാന് പറ്റാത്തതിലും കൂടുതല് പേര് യോഗത്തില് പങ്കെടുക്കാന് എത്തിയത്. അതുപോലെ പൊലീസ് അനുമതിയില്ലാതെ വിജയ് റാലി നടത്തിയതും പ്രശ്നം സൃഷിച്ചു എന്നാണ് ഡിഎംകെ ആരോപിക്കുന്നത്.
കരൂരില് 41 പേരുടെ മരണത്തിനിടയാക്കിയ തിക്കിനും തിരക്കിനും കാരണം വിജയ് ആണെന്ന് ആരോപിച്ച് സ്റ്റേഷനില് എഫ് ഐ ആര് നല്കിയിരിക്കുകയാണ് ഡിഎംകെ സര്ക്കാര്. എന്നിട്ടും വിജയിനെ അറസ്റ്റ് ചെയ്യാന് ഭയപ്പെടുന്നു. വിജയിനെ അറസ്റ്റ് ചെയ്യില്ലെന്ന് സ്റ്റാലിന്റെ വലംകയ്യായ മന്ത്രി ദുരൈ മുരുകന് ശനിയാഴ്ച പ്രഖ്യാപിച്ചിരുന്നു. മതിയായ തെളിവുകള് ഉണ്ടെങ്കില് മാത്രമേ അറസ്റ്റ് ചെയ്യൂ എന്ന ദുരൈ മുരുകുന്റെ പ്രസ്താവന വിജയിനെ പിണക്കാന് തയ്യാറല്ലെന്നതിന്റെ സൂചനയാണ്. സ്റ്റാലിന്റെ വലംകയ്യായ ദുരൈ മുരുകന് ഒരു പ്രസ്താവന നടത്തുന്നത് സ്റ്റാലിന് ഒരു പ്രസ്താവന നടത്തുന്നതിന് തുല്യമാണ്.
സ്റ്റാലിന് സര്ക്കാര് സംഭവത്തെക്കുറിച്ച് അന്വേഷിക്കാന് ഒരു ഏകാംഗ കമ്മീഷനായി ഒരു മുന്ജഡ്ജിയെ നിയോഗിച്ചിട്ടുണ്ട്. ഇതിനു പുറമെ കരൂര് റാലിയിലെ ദുരന്തത്തെക്കുറിച്ച് അന്വേഷിക്കാന് ഒരു പ്രത്യേക അന്വേഷണ സംഘത്തെ മദ്രാസ് ഹൈക്കോടതി നിയോഗിച്ചിട്ടുണ്ട്. ഹൈക്കോടതി നിയോഗിച്ച പ്രത്യേക അന്വേഷണകമ്മീഷന്റെ റിപ്പോര്ട്ട് പുറത്തുവരട്ടെ എന്ന നിലപാടിലാണ് ബിജെപി. ഹൈക്കോടതി നിയോഗിച്ച അന്വേഷണ ഉദ്യോഗസ്ഥന് നല്ല ഉദ്യോഗസ്ഥനാണെന്നും ബിജെപി നേതാവ് അണ്ണാമലൈ പറയുന്നു.
