ന്യൂദല്ഹി: അഫ്ഗാനിസ്ഥാന്റെ വിദേശകാര്യമന്ത്രി ആമിര് ഖാന് മുത്തഖി ഭാരതത്തിലേക്ക്. അടുത്താഴ്ച എത്തും. 2021-ല് കാബൂളില് താലിബാന് അധികാരം പിടിച്ചെടുത്തതിന് ശേഷമുള്ള ആദ്യ സന്ദര്ശനമാണിത്.
ഐക്യരാഷ്ട്രസഭ സുരക്ഷാ കൗണ്സില് യാത്രാ ഇളവ് അനുവദിച്ചതിന് പിന്നാലെയാണ് സന്ദര്ശനം നടത്താന് തീരുമാനിച്ചിരിക്കുന്നത്. കഴിഞ്ഞ ജനുവരിയില് വിദേശകാര്യ സെക്രട്ടറി വിക്രം മിസ്രി ദുബായില് വച്ച് മുത്തഖിയുമായി നടത്തിയ കൂടിക്കാഴ്ചയില് അഫ്ഗാനിസ്ഥാന്റെ ആരോഗ്യ മേഖലയ്ക്കും അഭയാര്ത്ഥി പുനരധിവാസത്തിനും ഭാരതം നല്കുന്ന മാനുഷിക സഹായങ്ങളെക്കുറിച്ച് ചര്ച്ചകള് നടത്തിയിരുന്നു.
പഹല്ഗാം ഭീകരാക്രമണത്തിന് തിരിച്ചടിയായി ഭാരതം നടത്തിയ ഓപ്പറേഷന് സിന്ദൂറിന് അഫ്ഗാനിസ്ഥാന് ഭാരതത്തിന് പൂര്ണ പിന്തുണ അറിയിച്ചിരുന്നു. തുടര്ന്ന് വിദേശകാര്യ മന്ത്രി എസ്. ജയ്ശങ്കര് അഫ്ഗാന് വിദേശകാര്യമന്ത്രിയുമായി കൂടിക്കാഴ്ച നടത്തിയിരുന്നു.
