തിരുവനന്തപുരം:ശബരിമല സ്വര്ണപ്പാളി വിവാദത്തില് വിജിലന്സ് ചോദ്യം ചെയ്യാന് വിളിപ്പിച്ചാല് ഹാജരാകുമെന്ന് സ്പോണ്സര് ഉണ്ണികൃഷ്ണന് പോറ്റി. സ്വര്ണപ്പാളിയുടെ പേരില് വ്യാപക പണപ്പിരിവ് നടത്തിയെന്ന ദേവസ്വം വിജിലന്സിന്റെ കണ്ടെത്തലില് പ്രതികരണം ആരാഞ്ഞ മാധ്യമങ്ങളോടാണ് ഉണ്ണികൃഷ്ണന് പോറ്റി ഇക്കാര്യം പറഞ്ഞത്.
മാധ്യമങ്ങള് തന്നെ ക്രൂശിക്കുന്നു. തനിക്ക് പ്രത്യേകിച്ച് ഒന്നും പറയാനില്ല. ഒരു തെറ്റും ചെയ്തിട്ടില്ലെന്നും ഉണ്ണികൃഷ്ണന് പോറ്റി പറഞ്ഞു. തനിക്കൊരു വ്യക്തിത്വമുണ്ട്. തകര്ക്കാവുന്നതിന്റെ പരമാവധി തകര്ത്തു.പറയാനുള്ളത് കോടതിയില് പറയും.
ശബരിമലയുടെ പേരില് സ്പോണ്സറായ ഉണ്ണിക്കൃഷ്ണന് പോറ്റി വ്യാപകമായ പണപ്പിരിവ് നടത്തിയെന്നാണ് ദേവസ്വം വിജിലന്സ് കണ്ടെത്തിയത്. ഭക്തിയുടെ മറവിലായിരുന്നു പണപ്പിരിവ്. ദേവസ്വം ഉദ്യോഗസ്ഥരും പോറ്റിയെ പിന്തുണച്ചിരുന്നു. മേല്ശാന്തിയുടെ സഹായിയായി ശബരിമലയിലെത്തിയ കിളിമാനൂര് കാരേറ്റ് സ്വദേശിയായ ഉണ്ണികൃഷ്ണന് പോറ്റി വര്ഷങ്ങള്ക്കുള്ളില് സ്പോണ്സറായി മാറി. ശബരിമലയില് സ്വര്ണം പൂശുന്നതിനും അന്നദാനത്തിനുമൊക്കെയായി വിവിധ സംസ്ഥാനങ്ങളില് നിന്ന് പോറ്റി വ്യാപകമായി പരിവ് നടത്തിയതിന്റെ വിവരങ്ങള് ദേവസ്വം വിജിലന്സിന് ലഭിച്ചതായാണ് വിവരം.
സ്വര്ണപാളികള് ബംഗളൂരുവിലെത്തിച്ചതും പിണപ്പിരിവിന് വേണ്ടിയാണോയെന്ന് സംശയമുണ്ട്.
