ആലുവ : വീട് കുത്തിത്തുറന്ന് മോഷണം മൂന്ന് ഇതര സംസ്ഥാനത്തൊഴിലാളികൾ പോലീസ് പിടിയിൽ. ആസാം സോനിക്പൂർ സ്വദേശികളായ സദാം ഹുസൈൻ (21) ജമാൽ (26), അജിബുർ റഹ്മാൻ (25) എന്നിവരെയാണ് ആലുവ വെസ്റ്റ് പോലീസ് പിടികൂടിയത്.
നീറിക്കോട് കുന്നത്ത് വീട്ടിൽ ലോറൻസിന്റെ വീടാണ് കുത്തിത്തുറന്ന് അലമാരയിൽ സൂക്ഷിച്ചിരുന്ന മൂന്ന് പവൻ തൂക്കം വരുന്ന മാല ഒരു പവന്റെ കമ്മൽ, 800 രൂപ എന്നിവ മോഷ്ടിച്ചത്. ഒരാളെ സംഭവസ്ഥലത്തു വച്ച് പിടികൂടി. രണ്ടുപേരെ വരാപ്പുഴ മൂലംപിള്ളി പാലത്തിന് താഴെ നിന്നാണ് പിടികൂടിയത്. ഡിവൈ എസ്പി ടി.ആർ രാജേഷ്, ഇൻസ്പെക്ടർ ജസ്റ്റിൻ,
എസ്എഐമാരായ ഡിനി, രാജേഷ് കുമാർ, സാജൻ എഎസ്ഐ സുനോജ്, സീനിയർ സിപിഒമാരായ ഷാരോ, ഷിജോ പോൾ, സിപിഒമാരായ ശ്രീകാന്ത്, ലെനീഷ്, ഷിറാസ് അമീൻ, അൻഷാദ് എന്നിവരാണ് അന്വേഷണത്തിൽ ഉണ്ടായിരുന്നത്.
