ചെന്നൈ: അമേരിക്കൻ സാമൂഹ്യ മാധ്യമമായ വാട്സാപ്പിന് ബദലായി പുതിയ ആപ് വൻ തോതിൽ പ്രചാരത്തിലാകുന്നു. ‘അരട്ടൈ’ എന്ന സാമൂഹ്യമാധ്യമ ആപ് ഏറെക്കുറേ വാട്സാപ്പിന്റെ എല്ലാ സംവിധാനങ്ങളും ഉള്ളതാണ്.
മൂന്നു ദിവസത്തിനുള്ളിൽ ഉപഭോക്താക്കളുടെ എണ്ണത്തിൽ 100 മടങ്ങ് വർദ്ധനവ് നേടി, പ്രതിദിനം 3,000 ൽ നിന്ന് 350,000 ആയി വർദ്ധിച്ചുവെന്നാണ് റിപ്പോർട്ട്. സ്പൈവെയർ രഹിതമാണ് അരട്ടൈ എന്നതും സാങ്കേതികമായി ഈ ആപ്പിന് സ്വീകാര്യത കൂട്ടുന്നു. അരട്ടൈ ആപ്പിനെ ഭാരതത്തിലെ വാട്സ് ആപ്പിന്റെ കൊലയാളി എന്നുപോലും വിശേഷിപ്പിച്ചുള്ള ടാഗുകൾ ഇറങ്ങിക്കഴിഞ്ഞു.
ഡൊണാൾഡ് ട്രംപിന്റെ തീരുമാനങ്ങളോടുള്ള ജനവിരോധം സമസ്ത മേഖലയിലും പ്രകടമാകുന്നു. സർക്കാരും സംഘടനകളും മാത്രമല്ല, സാധാരണക്കാരും ട്രംപിന്റെ പ്രവർത്തനങ്ങളോട് ശക്തമായി പ്രതികരിക്കുന്നു. ബംഗാളിലെ പുജപ്പന്തലിൽ ട്രംപിനെ അസുരനാക്കി വധിക്കുന്നതിന്റെ നിശ്ചല ദൃശ്യം ഒരുക്കിയിരുന്നു.
അരട്ടൈ എന്താണ്,
ആരുടേതാണ്?
സോഹോ (എസ്ഒഎച്ച്ഒ) എന്ന സ്മാൾ ഓഫീസ് ഹോം ഓഫീസ് നെറ്റ്വർക്ക് എന്ന ചുരുങ്ങിയ തലത്തിലുള്ള ആശയ വിനിമയ സംവിധാനത്തിലാണ് ‘അരട്ടൈ’ രുപപ്പെട്ടത്. തമിഴ്നാട് സദേശിയായ ശ്രീധർ വെമ്പെ, അമേരിക്കയിൽ സിലിക്കൺ വാലിയിൽ ടെക്നോളജി എക്സ്പർട്ടായിരുന്നു. അവിടെനിന്ന് മതിയാക്കി ഭാരതത്തിലെത്തി സ്വന്തം ഗ്രാമത്തിൽ ഒരു സംരംഭം എന്ന ആശയത്തിൽ സോഹോ കോർപ്പറേഷൻ എന്ന സ്ഥാപനം ആരംഭിച്ച് പ്രവർത്തനം തുടങ്ങുകയായിരുന്നു.
മെസേജിംഗ് ആപ്പായിരുന്നു തുടക്കത്തിൽ. തമിഴാണ് ‘അരട്ടെ’ എന്ന ഈ പേര്. അർത്ഥം കാഷ്വൽ ചാറ്റ് അഥവാ കൊച്ചുവർത്തമാനം. ഇത് ട്രംപിനോടുള്ള എതിർപ്പുകൊണ്ട് ഇന്നലെ തട്ടിക്കൂട്ടിയതല്ല. 2021 ൽ ഒരു സൈഡ് പ്രോജക്റ്റായി സോഹോ കോർപ്പറേഷൻ ആരംഭിച്ചതാണ് അരട്ടൈ ആപ്പ്. എന്നിരുന്നാലും ഇപ്പോൾ ഇത് മുഖ്യധാരാ ശ്രദ്ധ നേടിക്കൊണ്ടിരിക്കുകയാണ്.
– വൺ-ടു-വൺ, ഗ്രൂപ്പ് ചാറ്റുകൾ, വോയ്സ് നോട്ടുകൾ, ഇമേജ്, വീഡിയോ പങ്കിടൽ, സ്റ്റോറികൾ, ബ്രോഡ്കാസ്റ്റ് ചാനലുകൾ എന്നിവയുൾപ്പെടെയുള്ള സന്ദേശമയയ്ക്കൽ ഉപകരണങ്ങളുടെ പൂർണ്ണ സ്യൂട്ടാണ് ഈ ആപ്പ്. എന്നാൽ നമ്മുടെ ഡിജിറ്റൽ ജീവിതത്തെ ആധിപത്യം പുലർത്തുന്ന ആഗോള ഭീമന്മാർക്ക് സ്പൈവെയർ രഹിതമായ ഒരു നിർമ്മിത ബദലാണിതെന്നാണ് ഇതിന്റെ പ്രധാന വാഗ്ദാനം.
അരട്ടൈ ആപ്പിന്റെ സവിശേഷതകൾ:
– വ്യക്തിഗത, ഗ്രൂപ്പ് ചാറ്റുകളിൽ ടെക്സ്റ്റ്, മീഡിയ, ഫയൽ പങ്കിടാം.
– എൻഡ്-ടു-എൻഡ് എൻക്രിപ്ഷനോടുകൂടിയ ഓഡിയോ, വീഡിയോ കോളുകൾ.
– ഡെസ്ക്ടോപ്പ് ആപ്പുകളും ആൻഡ്രോയിഡ് ടിവി സംയോജനവും ഉൾപ്പെടെയുള്ള മൾട്ടി-ഡിവൈസ് പിന്തുണ.
– പ്രക്ഷേപണം ചെയ്യുന്നതിനുള്ള സ്റ്റോറികളും ചാനലുകളും.
മുഖ്യ ആകർഷണം സ്വകാര്യതയ്ക്ക് മുൻഗണന നൽകുന്ന രൂപകൽപ്പനയാണ്. വ്യക്തിഗത ഡാറ്റയിൽ നിന്ന് ധനസമ്പാദനം നടത്തില്ലെന്നാണ് സോഹോ കോർപ്പറേഷന്റെ നയം. പൂർണ്ണ സുരക്ഷയും അരട്ടൈ ഉറപ്പാക്കുന്നു.
പെട്ടെന്നുള്ള ജനപ്രീതിക്ക് കാരണം?
2021 മുതൽ ആപ്പ് സ്റ്റോർ സ്്റ്റോറുകളിൽ അരട്ടൈ ആപ്പ് ഉണ്ടായിരുന്നെങ്കിലും, തദ്ദേശീയ ഡിജിറ്റൽ വഴികൾ സ്വീകരിക്കാൻ കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ ആഹ്വാനം ചെയ്തപ്പോഴാണ് അരട്ടൈയുടെ ജനപ്രീതിയിൽ വഴിത്തിരിവ് ഉണ്ടായത്. അരട്ടൈ ഈ പട്ടികയിൽ ഒന്നാമതെത്തി. ഗവൺമെന്റിന്റെ അംഗീകാരം വൻതോതിലുള്ള ഡൗൺലോഡുകൾക്ക് കാരണമായി, ആപ്പ് ഐഒഎസ്, ആൻഡ്രോയ്ഡ് ആപ്പ് സ്റ്റോറുകളിൽ ഒന്നാം സ്ഥാനത്തേക്ക് എത്തി. സോഷ്യൽ മീഡിയയിൽ നിന്നുള്ള ചർച്ചകൾ പിന്നീട് വാട്ട്സ്ആപ്പുമായി അരട്ടൈയെ താരതമ്യപ്പെടുത്താൻ തുടങ്ങി. .
”മൂന്ന് ദിവസത്തിനുള്ളിൽ അരട്ടൈ ട്രാഫിക്കിൽ 100 മടങ്ങ് വർദ്ധനവ് കാണിച്ചുവെന്നും പ്രതിദിനം 3000 ൽ നിന്ന് 3,50,000 ലേക്ക് കുത്തനെ കൂടിയെന്നും അത് കോടിയായാലും തടസമുണ്ടാകാത്ത തരത്തിൽ സംവിധാനങ്ങൾ ഒരുക്കിയെന്നും സോഹോ സഹസ്ഥാപകൻ ശ്രീധർ വെമ്പു അറിയിക്കുന്നു.
അരട്ടൈക്ക് വാട്ട്സ്ആപ്പിനെ കീഴടക്കാൻ കഴിയുമോ എന്നാണ് പലരുടെയും ചോദ്യം.
ഭാരതത്തിൽ മാത്രം, വാട്ട്സ്ആപ്പിന് 500 ദശലക്ഷത്തിലധികം ഉപയോക്താക്കളുണ്ട്, കുടുംബ ചാറ്റുകൾ, ഓഫീസ് സംഭാഷണങ്ങൾ മുതൽ ബിസിനസ് ഇടപാടുകൾ വരെ ദൈനംദിന ജീവിതത്തിൽ ആഴത്തിൽ ഉൾച്ചേർന്നിരിക്കുന്നു. അരട്ടൈയുടെ വെല്ലുവിളി വാട്സാപ് നൽകുന്നതിനേക്കാൾ മികച്ച സേവനം നൽകുകയാണ്. അരട്ടൈയ്ക്ക് അതിന്റെ സ്ഥാനം ഉറപ്പിക്കാനും വാട്ട്സ്ആപ്പിനെ യഥാർത്ഥത്തിൽ വെല്ലുവിളിക്കാനും കഴിയുമോ എന്നത് സോഹോയ്ക്ക് അതിന്റെ അടിസ്ഥാന സൗകര്യങ്ങൾ എത്ര വേഗത്തിൽ വികസിപ്പിക്കാനും അതിന്റെ സ്വകാര്യതാ വാഗ്ദാനങ്ങൾ നിറവേറ്റാനും കഴിയും എന്നതിനെ ആശ്രയിച്ചിരിക്കും.
