ന്യൂഡൽഹി: ശാസ്ത്ര-വ്യാവസായിക ഗവേഷണ വകുപ്പിന്റെ “ശേഷിവർധനയും മാനവവിഭവശേഷി വികസനവും” പദ്ധതിക്ക് കേന്ദ്ര മന്ത്രിസഭ അംഗീകാരം നൽകി. 2021-22 മുതൽ 2025-26 വരെയുള്ള കാലയളവിൽ 2277.397 കോടി രൂപ ചെലവഴിച്ച് നടപ്പാക്കുന്ന ഈ പദ്ധതി, രാജ്യത്തെ ഉത്സാഹഭരിതരായ യുവ ഗവേഷകർക്ക് വിശാലമായ വേദി ഒരുക്കും.
CSIR ആണ് പദ്ധതി നടപ്പാക്കുന്നത്. രാജ്യത്തെ സർവകലാശാലകൾ, വ്യവസായ മേഖല, ദേശീയ ഗവേഷണ-വികസന പരീക്ഷണശാലകൾ, അക്കാദമിക് സ്ഥാപനങ്ങൾ എന്നിവയുമായി സഹകരിച്ച്, ഗവേഷണ ജീവിതത്തിലേക്ക് പ്രവേശിക്കാൻ ആഗ്രഹിക്കുന്ന യുവാക്കൾക്ക് വലിയ അവസരങ്ങളാണ് ഇതിലൂടെ ലഭ്യമാകുന്നത്. പ്രഗത്ഭ ശാസ്ത്രജ്ഞരുടെ മാർഗനിർദേശത്താൽ, ശാസ്ത്രം, സാങ്കേതികവിദ്യ, എൻജിനിയറിങ്, വൈദ്യശാസ്ത്രം, ഗണിതശാസ്ത്രം (STEMM) മേഖലകളിൽ പുതിയ തലമുറയെ വളർത്തുക ലക്ഷ്യമിടുന്നു.
ഡോക്ടറൽ, പോസ്റ്റ് ഡോക്ടറൽ ഫെലോഷിപ്പുകൾ, എമെറിറ്റസ് സയന്റിസ്റ്റ് സ്കീം, ഭട്‌നാഗർ ഫെലോഷിപ്പ്, പുരസ്കാരപദ്ധതികൾ, അറിവ് പങ്കിടലിനുള്ള ഗ്രാന്റുകൾ തുടങ്ങിയ പദ്ധതികൾക്കാണ് പുതിയ പദ്ധതി ഉൾക്കൊള്ളുന്നത്.
ഇന്ത്യൻ ശാസ്ത്ര സാങ്കേതിക രംഗത്തെ മാനവവിഭവ ശേഷി വർധിപ്പിച്ച് ആഗോള നേതൃത്വത്തിനായി രാജ്യത്തെ ശാസ്ത്രത്തെ തയ്യാറാക്കുകയാണ് സർക്കാർ ലക്ഷ്യമിടുന്നത്. ശാസ്ത്രസാങ്കേതിക മേഖലയിലെ ഉന്നത നിലവാരത്തിലുള്ള ഗവേഷണവാതാവുകൾ സൃഷ്ടിക്കാനും യുവ ഗവേഷകരെ അന്താരാഷ്‌ട്ര നിലവാരത്തിലേക്ക് വളർത്താനും ഈ സംരംഭം സഹായകരമാകും
