തിരുവനന്തപുരം: മരണാനന്തര അവയവദാനം പ്രോത്സാഹിപ്പിക്കുന്നതിന്റെ ഭാഗമായി മസ്തിഷ്കമരണം നിര്ണ്ണയിക്കുന്നതുമായി ബന്ധപ്പെട്ട് ഡോക്ടര്മാര്ക്ക് കേരള സ്റ്റേറ്റ് ഓര്ഗന് ആന്ഡ് ടിഷ്യു ട്രാന്സ്പ്ലാന്റ് ഓര്ഗനൈസേഷന്റെ (കെ-സോട്ടോ) നേതൃത്വത്തില് ശില്പശാല സംഘടിപ്പിക്കുന്നു. സെപ്റ്റംബര് 20ന് തിരുവനന്തപുരം സര്ക്കാര് മെഡിക്കല് കോളേജിലാണ് ശില്പശാല.
സംസ്ഥാനത്തെ ഐ.സി.യുകളില് മസ്തിഷ്കമരണം കൃത്യമായി റിപ്പോര്ട്ട് ചെയ്യാനും അതുവഴി അവയവദാന പ്രക്രിയ കൂടുതല് കാര്യക്ഷമമാക്കാനും ഡോക്ടര്മാരെ പ്രാപ്തരാക്കുക എന്നതാണ് ശില്പശാല ലക്ഷ്യമിടുന്നത്. മസ്തിഷ്കമരണ നിര്ണയവുമായി ബന്ധപ്പെട്ട് 2020-ല് സംസ്ഥാന സര്ക്കാര് പുറത്തിറക്കിയ ഉത്തരവിലെ മാനദണ്ഡങ്ങള് അനുസരിച്ച് മസ്തിഷ്കമരണം സ്ഥിരീകരിക്കുന്നതിനും തുടര്ന്ന് അവയവദാനത്തിന് ബന്ധുക്കളോട് സന്നദ്ധത ആവശ്യപ്പെടുന്നതിനുള്ള നടപടിക്രമങ്ങളെക്കുറിച്ചും ശില്പശാലയില് വിശദമായ പരിശീലനം നല്കും.
അവയവദാനത്തിനായി മസ്തിഷ്ക മരണം നിര്ണ്ണയിക്കുന്നതില് ഡോക്ടര്മാര്ക്ക് പരിശീലനം നല്കുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.