തിരുവനന്തപുരം: എ.കെ. ആന്റണിയുടെ ഭരണകാലത്ത് ശിവഗിരിയില് നടന്നത് നരനായാട്ടായിരുന്നെന്ന് ശിവഗിരി ധര്മ്മസംഘം ട്രസ്റ്റ് ജനറല് സെക്രട്ടറി സ്വാമി ശുഭാംഗാനന്ദ കുറ്റപ്പെടുത്തി. ശ്രീനാരായണീയരുടെ മനസിന് ഏറ്റ മുറിവ് വര്ഷങ്ങള്ക്ക് ശേഷമുള്ള ആന്റണിയുടെ ഖേദപ്രകടനത്തിലൂടെ മാറില്ലെന്നും അദ്ദേഹം പറഞ്ഞു.
അതേസമയം കോടതി നിര്ദേശ പ്രകാരമാണ് 1995 ല് ശിവഗിരിയില് പോലീസ് നടപടിയുണ്ടായതെന്നും അത് അനിവാര്യമായിരുന്നെന്നും ശിവഗിരി മഠാധിപതി സ്വാമി സച്ചിദാനന്ദയും പ്രതികരിച്ചു. ജയിച്ചു വന്നവര് ഭരണം ഏറ്റുവാങ്ങാന് എത്തിയിട്ടും നടന്നില്ല. അനുരഞ്ജന ചര്ച്ചകള് പലതും നടത്തിയിട്ടും വിജയിച്ചില്ല. പല ദുഷ്പ്രചാരണങ്ങളും അന്നുണ്ടായി. ശിവഗിരിക്ക് ദോഷം വരും എന്ന് കണ്ടപ്പോഴാണ് കോടതി ഇടപെടലും പോലീസ് നടപടിയും ഉണ്ടായതെന്നും സ്വാമി സച്ചിദാനന്ദ പറഞ്ഞു.
അതേസമയം അന്ന് ശിവഗിരിയില് നടന്നത് നരനായാട്ടണെന്നും അത് അംഗീകരിക്കാന് കഴിയില്ലെന്നുമാണ് സ്വാമി ശുഭാംഗാനന്ദ വ്യക്തമാക്കിയത്.
















