ബെംഗളൂരു: കര്ണ്ണാടകയില് ആലന്ദ് എന്ന സ്ഥലത്തെ 6018 വോട്ടര്മാരെ വോട്ടേഴ്സ് ലിസ്റ്റില് നിന്നും നീക്കം ചെയ്തതെന്ന പരാതിയുമായി കോടതിയെ സമീപിച്ചുകൂടേ എന്ന മാധ്യമപ്രവര്ത്തകന്റെ ചോദ്യത്തിന് മുന്പില് രാഹുല് ഗാന്ധി പെട്ടു.
രാഹുല് ഗാന്ധിയെ പെടുത്തിയ മാധ്യമപ്രവര്ത്തകന്റെ ചോദ്യം:
🚨 Rahul Gandhi, when asked about showing PROOF in Court: “Saving Democracy is not my job, my job is to oppose BJP.”
— If that’s the case, why dodge Court? Why not file an affidavit? pic.twitter.com/dKxJxeROao
— Megh Updates 🚨™ (@MeghUpdates) September 18, 2025
താന് കോടതിയില് പോകില്ലെന്ന മറുപടി രാഹുല് ഗാന്ധി പറഞ്ഞത് അല്പം വളഞ്ഞ വഴിയിലൂടെയാണ്. “ജനാധിപത്യസംവിധാനത്തെ സംരക്ഷിക്കലല്ല തന്റെ ജോലി. ജനാധിപത്യ പ്രക്രിയയില് പങ്കെടുക്കുക മാത്രമാണ് എന്റെ ലക്ഷ്യം. ജനാധിപത്യത്തെ സംരക്ഷിക്കേണ്ടത് ചില സ്ഥാപനങ്ങളുടെ ജോലിയാണ്. അത് അവര് ചെയ്യുന്നില്ല. “- രാഹുല് ഗാന്ധി പറഞ്ഞു. വേണ്ടത്ര തെളിവുകളില്ലാതെ നടത്തുന്ന ആരോപണങ്ങളായതിനാല് കോടതികള് അത് മുഖവിലയ്ക്കെടുക്കില്ലെന്ന് രാഹുല് ഗാന്ധിയ്ക്ക് അറിയാം. ജനാധിപത്യ മാര്ഗ്ഗത്തിലൂടെ ഇനി ഒരിയ്ക്കലും അധികാരത്തില് വരാന് കഴിയില്ലെന്ന് അറിയാവുന്ന രാഹുല് ഗാന്ധി ഡീപ് സ്റ്റേറ്റ് ശക്തികളുടെ കൂടി പിന്തുണയോടെ തെരഞ്ഞെടുപ്പ് പ്രക്രിയ നീതിപൂര്വ്വകമായി നടക്കുന്നില്ലെന്ന വിമര്ശനം ഉയര്ത്തുകയാണ്. ഇതുവഴി ഒരു കലാപത്തിന് യുവാക്കളെ പടിപടിയായി ആകര്ഷിക്കുകയാണ് രാഹുല് ഗാന്ധിയുടെ ലക്ഷ്യമെന്ന് വേണം കരുതാന്.
ഈ വാര്ത്താസമ്മേളനത്തില് രാഹുല് ഗാന്ധിയോട് കോടതിയെ സമീപിച്ചുകൂടേ എന്ന് ഒരു മാധ്യമപ്രവര്ത്തകന് ചോദിക്കുന്നത് വൈറലായി സമൂഹമാധ്യമങ്ങളില് പ്രചരിക്കുകയാണിപ്പോള്. രാഹുല് ഗാന്ധിയ്ക്ക് യഥാര്ത്ഥത്തില് തെരഞ്ഞെടുപ്പ് കമ്മീഷന് വോട്ട് മോഷ്ടിക്കുന്നു എന്ന പരാതിയുണ്ടെങ്കില് സമീപിക്കേണ്ടത് സുപ്രീംകോടതിയെ ആണ്. സാധാരണ ചെറിയ കാര്യങ്ങള്ക്ക് വരെ സുപ്രീംകോടതിയെ സമീപിക്കുന്ന വ്യക്തിയാണ് രാഹുല് ഗാന്ധി. അവിടെ അദ്ദേഹത്തിന് വേണ്ടി വാദിക്കാന് കപില് സിബലോ, അഭിഷേക് മനു സിംഘ് വിയോ, പ്രശാന്ത് ഭൂഷണോ തയ്യാറുമാണ്. പിന്നെ എന്തുകൊണ്ടാണ് ഈ വിഷയത്തില് കോടതിയെ സമീപിക്കാത്തത് എന്നതിനര്ത്ഥം ആരോപണത്തില് കഴമ്പില്ല എന്ന് രാഹുല് ഗാന്ധിക്ക് തന്നെ അറിയാവുന്നത് കൊണ്ടാണ്. പകരം വോട്ട് മോഷണം എന്ന ആരോപണം തുടര്ച്ചയായി മുഴക്കി തെരഞ്ഞെടുപ്പ് കമ്മീഷന്റെ വിശ്വാസ്യത തകര്ക്കുക എന്നത് തന്നെയാണ് ലക്ഷ്യം. ഇനി ഒരു പൊതുതെരഞ്ഞെടുപ്പ് രാജ്യത്ത് ഉണ്ടാകരുത് എന്നതാണ് രാഹുല് ഗാന്ധിയുടെ പിന്നിലുള്ള ശക്തികളുടെ ലക്ഷ്യം. കലാപത്തിലൂടെ മോദി സര്ക്കാരിനെ അട്ടിമറിക്കുക എന്ന അജണ്ടയുടെ ആദ്യഘട്ടമാണ് രാഹുല് ഗാന്ധി നടപ്പാക്കാന് ശ്രമിക്കുന്നത് എന്ന് ആരോപിക്കപ്പെടുന്നു.
