തിരുവനന്തപുരം: പ്രധാനമന്ത്രി നരേന്ദ്ര മോദിയുടെ 75-ാം ജന്മദിനത്തിൽ റഷ്യൻ പ്രസിഡന്റ് വ്ളാഡിമിർ പുടിൻ ടെലിഫോണിൽ ആശംസകൾ നേർന്നു. പുടിന്റെ ഊഷ്മള ആശംസകൾക്കും നിലനിൽക്കുന്ന സൗഹൃദത്തിനും പ്രധാനമന്ത്രി ഹൃദയപൂർവ്വം നന്ദി അറിയിച്ചു.
ഇരുവരും 23-ാമത് ഇന്ത്യ-റഷ്യ വാർഷിക ഉച്ചകോടിയെ മുന്നിൽ കണ്ടുകൊണ്ട് ഉഭയകക്ഷി അജണ്ടയിലെ വിവിധ വിഷയങ്ങൾ ചർച്ച ചെയ്തു. ഈ വർഷം അവസാനം പ്രസിഡന്റ് പുടിൻ ഇന്ത്യയിൽ എത്തുമെന്ന പ്രതീക്ഷ താൻ പ്രകടിപ്പിച്ചിട്ടുണ്ടെന്ന് പ്രധാനമന്ത്രി പറഞ്ഞു.
യുക്രെയ്ൻ സംഘർഷം സമാധാനപരമായി പരിഹരിക്കേണ്ടതിന്റെ ആവശ്യകതയും അതിന് ഇന്ത്യ നൽകുന്ന പൂർണ പിന്തുണയും പ്രധാനമന്ത്രി മോദി സംഭാഷണത്തിൽ ആവർത്തിച്ചു.
ഇരു നേതാക്കളും പരസ്പര ബന്ധം തുടർന്നും ഊഷ്മളമായി ശക്തിപ്പെടുത്താമെന്ന പ്രതിജ്ഞയും പങ്കുവെച്ചു.
