തിരുവനന്തപുരം:ആഗോള അയ്യപ്പ സംഗമത്തിന് എതിരായി ബിജെപി പറഞ്ഞിട്ടില്ലെന്ന് സംസ്ഥാന അധ്യക്ഷന് രാജീവ് ചന്ദ്രശേഖര്. വിശ്വാസത്തെ എതിര്ക്കുന്ന നേതാക്കളെ അതിഥി ആയി ക്ഷണിക്കുന്നതിനെ ആണ് എതിര്ത്തത്.
മുഖ്യമന്ത്രിയുടെ ഉറ്റ സുഹൃത്ത് സ്റ്റാലിന് വരുന്നില്ലല്ലോ. തെരഞ്ഞെടുപ്പിന് മുന്നോടിയായുള്ള നാടകമാണ് നടക്കുന്നതെന്നും ജനങ്ങള്ക്ക് എല്ലാം കൃത്യമായി മനസിലാകുന്നുണ്ടെന്നും രാജീവ് ചന്ദ്രശേഖര് പറഞ്ഞു.
സംസ്ഥാനത്തെ എല്ലാ ജനങ്ങള്ക്കും ബിജെപി ഹെല്പ് ഡെസ്ക് ഉപകാരപ്പെടും. എല്ലാ ജില്ലയിലും ഹെല്പ് ഡസ്ക് ആരംഭിച്ചിട്ടുണ്ട്. പദ്ധതികള്,അവകാശങ്ങള് എന്നിവ ജനങ്ങളിലേക്ക് എത്താന് പാര്ട്ടി സഹായിക്കും. സംസ്ഥാന കമ്മിറ്റി ഓഫിസില് എല്ലാ ബുധനാഴ്ചയും സാധാരണക്കാരുടെ പ്രശ്നങ്ങള് കേള്ക്കാന് സംവിധാനം ഉണ്ടാകും.ഹെല്പ് ഡെസ്കിന് പ്രചോദനം പ്രധാനമന്ത്രി നരേന്ദ്ര മോദി ആണ്. കഠിന അധ്വാനം ആണ് മോദിയുടെ രാഷ്ട്രീയം. അത് തങ്ങളും മാതൃകയാക്കുന്നുവെന്ന് രാജീവ് ചന്ദ്രശേഖര് പറഞ്ഞു.
സുരേഷ് ഗോപി വിഷയം അദ്ദേഹത്തോട് തന്നെ ചോദിക്കണം. തൃശൂര് ജില്ലയിലും എം പി യുടെ ഓഫീസിലും ഹെല്പ് ഡെസ്ക് ഉണ്ട്. അവിടെ പരാതി നല്കാം.
