ന്യൂദല്ഹി: എന്താണ് രാഹുല് ഗാന്ധിയും മോദിയും തമ്മിലുള്ള വ്യത്യാസം എന്നറിയാമോ? രാഹുല് ഗാന്ധി മോശം രാഷ്ട്രീയതന്ത്രജ്ഞനെന്ന് സിഎന്എന്-ഐബിഎന് സീനിയര് ജേണലിസ്റ്റ് പല്ലവി ഘോഷ്. അതേ സമയം മോദി ഏഴ് ദിവസവും 24 മണിക്കൂര് നേരവും പണിയെടുക്കുന്ന രാഷ്ട്രീയക്കാരനാണെന്നും പല്ലവി ഘോഷ് പറയുന്നു.
രാഹുല് ഗാന്ധി ബീഹാറിലെ പര്യടനത്തിന് ശേഷം നേരെ മലേഷ്യയ്ക്ക് ഒളിച്ചോടി. അതേ സമയം മോദി, ചൈനയില് പോയി പുടിനെയും ഷീ ജിന്പിങ്ങിനെയും കണ്ട് ഗൗരവമായ പ്രശ്നങ്ങള് ചര്ച്ച ചെയ്ത ശേഷം, ബീഹാറില് എത്തി പ്രചരണം നടത്തി. ഉടനെ അദ്ദേഹം പ്രളയക്കെടുതി നേരിടുന്ന പഞ്ചാബില് എത്തി എല്ലാം നോക്കിക്കണ്ട് സഹായം പ്രഖ്യാപിക്കുകയും ചെയ്തു. മോദി ഒരു 24-7 രാഷ്ട്രീയക്കാരനാണെങ്കില് രാഹുല് ഗാന്ധി വെറും ഒളിച്ചോടുന്ന സ്വഭാവമുള്ള രാഷ്ട്രീയക്കാരനാണ്. – പല്ലവി ഘോഷ് പറയുന്നു.
എത്രയോ കാലം കോണ്ഗ്രസ് ഭരിച്ചിരുന്ന സംസ്ഥാനമാണ് പഞ്ചാബ് എന്നോര്ക്കണം. പക്ഷെ അവിടേക്ക് ഒന്ന് തിരിഞ്ഞുനോക്കാന് പോലും രാഹുല് ഗാന്ധിയ്ക്ക് സമയമില്ല. പകരം രാഹുല് ഗാന്ധി ബീഹാറില് ഏതാനും ദിവസം വോട്ട് ചോരി യാത്ര എന്ന പേരില് നടത്തിയ പ്രഹസനത്തിന് ശേഷം വിശ്രമിക്കാന് മലേഷ്യയിലേക്ക് പോവുകയായിരുന്നു. പഞ്ചാബില് കോണ്ഗ്രസിന് സാന്നിധ്യമുണ്ടായിട്ടും അവിടെ പ്രളയമുണ്ടായിട്ടും രാഹുല് ഗാന്ധി അവിടം സന്ദര്ശിച്ചില്ലെന്നത് വലിയ നിരാശയാണ് പഞ്ചാബിലെ കോണ്ഗ്രസുകാര്ക്ക് ഉണ്ടാക്കിയത്. അതേ സമയം മോദി പഞ്ചാബിലെ ഗുര്ദാസ് പൂരില് എത്തി പ്രളയക്കെടുതികള് നേരിട്ട് കണ്ട ശേഷം ചില ധനസഹായപദ്ധതികള് പ്രഖ്യാപിക്കുകയും ചെയ്തു. അതേ സമയം മലേഷ്യയില് ദിവസങ്ങള് ചെലവിടുന്ന രാഹുല് ഗാന്ധിയുടെ ഫോട്ടോകള് സമൂഹമാധ്യമങ്ങളില് വൈറലായി പ്രചരിക്കുകയാണ്. – പല്ലവി ജോഷി പറഞ്ഞു.
