കൊച്ചി: വര വരമായിരുന്ന പ്രസിദ്ധൻ ആർട്ടിസ്റ്റ് നമ്പൂതിരിയുടെ ജന്മശതാബ്ദി ആഘോഷം സെപ്തംബർ 13 ന് തുടങ്ങുന്നു. നമ്പൂതിരിയുടെ നൂറാം ജൻമദിനമാണ സെപ്തംബർ 13ന്. അന്ന് രാവിലെ 10.30ന് എടപ്പാളിലെ, നടുവട്ടം, കരുവാട്ടുമനയിൽ നമ്പൂതിരി ജന്മശതാബ്ദി പരിപാടികൾക്ക് തുടക്കം കുറിക്കും. ‘എത്രയും ചിത്രം ചിത്രം’ എന്ന് പേരിട്ടിരിക്കുന്ന പരിപാടി ദി ആർട്ടിസ്റ്റ് നമ്പൂതിരി സമ്മാൻ ട്രസ്റ്റും, കേരള ലളിതകലാ അക്കാദമിയും ചേർന്നാണ് ഒരുക്കുന്നത്. പുഷ്പാർച്ചന, കേളി, സംഗീതാർച്ചന തുടങ്ങിയ പരിപാടികളും ഒരുക്കിയിട്ടുണ്ട്. കലാ, സാംസ്കാരിക, രാഷ്ട്രീയ രംഗത്തെ പ്രമുഖർ ചടങ്ങിൽ പങ്കെടുക്കും.
സെപ്തംബർ 15ന് നമ്പൂതിരി ചിത്രങ്ങൾ സാംസ്കാരിക വകുപ്പ് മന്ത്രി സജി ചെറിയാൻ ഏറ്റുവാങ്ങും. കേരള ലളിതകലാ അക്കാദമി നമ്പൂതിരി ചിത്രങ്ങൾ കേരളത്തിന്റെ വിവിധ ഭാഗങ്ങളിൽ പ്രദർശനം നടത്തും. ‘ദി ആർട്ടിസ്റ്റ് നമ്പൂതിരി സമ്മാൻ ട്രസ്റ്റ്’ ദേശീയ തലത്തിൽ മികച്ച രേഖാചിത്രകാരന് ഏർപ്പെടുത്തിയ പ്രഥമ പുരസ്ക്കാര ചടങ്ങും, നമ്പൂതിരി ചിത്രങ്ങളുടെ പ്രദർശനവും തിരുവനന്തപുരത്ത് പിന്നീട് നടക്കും.
