ബെംഗളൂരു: കര്ണ്ണാടകയില് ഹിന്ദുക്കള് വീണ്ടും വീണ്ടും വേട്ടയാടപ്പെടുകയാണെന്ന് കര്ണ്ണാടകയിലെ ബിജെപി അധ്യക്ഷനും യെദിയൂരപ്പയുടെ മകനുമായ ബി.വൈ. വിജയേന്ദ്ര. കര്ണ്ണാടകയിലെ മാണ്ഡ്യയിലെ മദ്ദൂര് ടൗണില് നടന്ന ഗണേശവിഗ്രഹ നിമജ്ജനഘോഷയാത്രയ്ക്ക് നേരെ മുസ്ലിം പള്ളിയില് നിന്നുണ്ടായ ആക്രമണത്തെ അപലപിക്കുകയായിരുന്നു ബി.വൈ. വിജയേന്ദ്ര.
ഹിന്ദുക്കളില് നിന്നും സിദ്ധരാമയ്യയ്ക്ക് വോട്ടുകള് കിട്ടിയില്ലേ?
“ഗണേശനിമജ്ജനഘോഷയാത്ര സമാധാനപരമായി മുന്നേറുകയായിരുന്നു. അപ്പോഴാണ പള്ളിയില് നിന്നും യാത്രയ്ക്ക് നേരെ കല്ലേറുണ്ടായത്. എന്നാല് ഇതില് പ്രതികളായവരെ പൊലീസ് അറസ്റ്റ് ചെയ്തില്ല. പകരം ബിജെപിയ്ക്കാര്ക്ക് നേരെ ലാത്തിച്ചാര്ജ്ജ് നടത്തുകയായിരുന്നു സിദ്ധരാമയ്യയുടെ പൊലീസ്. ഹിന്ദുക്കളില് നിന്നും സിദ്ധരാമയ്യയ്ക്ക് വോട്ടുകള് കിട്ടിയില്ലേ എന്ന് ചോദിക്കുകയാണ് ഹിന്ദുക്കള് ഇപ്പോള്.” – ബി.വൈ. വിജയേന്ദ്ര പറഞ്ഞു
‘കോണ്ഗ്രസ് ഭരിയ്ക്കുന്ന കര്ണ്ണാടകയില് ഹിന്ദുക്കള് വീണ്ടും വീണ്ടും അപമാനിക്കപ്പെടുന്നു’
കോണ്ഗ്രസിനും സിദ്ധരാമയ്യയ്ക്കും എതിരെ ഹിന്ദുക്കള് മുഴുവനായി പ്രതികരിക്കുകയാണ്. കോണ്ഗ്രസ് ഭരിയ്ക്കുന്ന കര്ണ്ണാടകയില് ഹിന്ദുക്കള് വീണ്ടും വീണ്ടും അപമാനിക്കപ്പെടുകയാണ്. ഗണേശനിമജ്ജന ഘോഷയാത്രയ്ക്ക് നേരെ നടന്ന ആക്രമണത്തിന്റെ ഉത്തരവാദിത്വം ഏറ്റെടുക്കേണ്ട ആഭ്യന്തരമന്ത്രി ജി. പരമേശ്വര ഇതൊരു ചെറിയ സംഭവമാണെന്നാണ് പറയുന്നത്. ഗണേശ നിമജ്ജന യാത്രയ്ക്ക് നേരെ കല്ലെറിഞ്ഞ ദേശദ്രോഹികള്ക്കെതിരെ കര്ശനമായ നടപടിയെടുക്കാന് സിദ്ധരാമയ്യയും ജി. പരമേശ്വരയും തയ്യാറാവണം.- ബി.വൈ. വിജയേന്ദ്ര ആവശ്യപ്പെട്ടു.
