കണ്ണൂര് : എഡിഎം നവീന് ബാബുവിന്റെ മരണത്തില് തുടരന്വേഷണം ആവശ്യപ്പെട്ട് ഭാര്യ മഞ്ജുഷ സമര്പ്പിച്ച ഹര്ജി കണ്ണൂര് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി തളളി. പൊലീസ് അന്വേഷണത്തില് വീഴ്ചയുണ്ടായെന്ന വാദം കോടതി അംഗീകരിച്ചില്ല.
പക്ഷപാതപരമായ അന്വേഷണമാണ് നടത്തിയത്, രാഷ്ട്രീയമായി പ്രതിക്ക് അനുകൂലമായി കാര്യങ്ങള് വരുത്തിത്തീര്ത്തു തുടങ്ങിയ കാര്യങ്ങളാണ് ഹര്ജിയില് ആരോപിച്ചിരുന്നത്. നവീന് ബാബു കൈക്കൂലി വാങ്ങിയെന്ന തരത്തിലാണ് ആദ്യം മുതല്ക്കേ അന്വേഷണം നടത്തിയതെന്നതടക്കം അന്വേഷണ സംഘത്തിന്റെ 13 പിഴവുകളും മഞ്ജുഷയുടെ ഹര്ജിയില് ചൂണ്ടിക്കാട്ടിയിരുന്നു. എന്നാല് ഹൈക്കോടതിയും സുപ്രീംകോടതിയും തള്ളിയ വാദങ്ങള് തന്നെയാണ് വീണ്ടും ഉന്നയിച്ചതെന്നാണ് വിലയിരുത്തിയാണ് മജിസ്ട്രേറ്റ് കോടതി ഹര്ജി തള്ളിയത്.
















