വിശദവിവരങ്ങള് www.joinindiannavy.gov.in ല്
സപ്തംബര് ഒന്ന് വരെ ഓണ്ലൈനില് അപേക്ഷ സ്വീകരിക്കും
തെരഞ്ഞെടുക്കപ്പെടുന്നവര്ക്ക് ഏഴിമല നാവിക അക്കാഡമിയില് 2026 ജൂണില് പരിശീലനം തുടങ്ങും
നിയമനം സബ് ലഫ്റ്റനന്റ് പദവിയില്; പ്രതിമാസ ശമ്പളം 1,10,000 രൂപ
നാവികസേനയില് വിവിധ ബ്രാഞ്ചുകളില് ഷോര്ട്ട് സര്വ്വീസ് കമ്മീഷന് നേടി ഓഫീസറാകാം. അവിവാഹിതരായ പുരുഷന്മാര്ക്കും വനിതകള്ക്കുമാണ് അവസരം. തെരഞ്ഞെടുക്കപ്പെടുന്നവര്ക്ക് കേരളത്തിലുള്ള ഏഴിമല നാവിക അക്കാഡമിയില്വച്ച് 2026 ജൂണില് പരിശീലനം തുടങ്ങും. ആകെ 260 ഒഴിവുകളാണുള്ളത്. ഓരോ ബ്രാഞ്ച്/കേഡറിലും ലഭ്യമായ ഒഴിവുകളും യോഗ്യതാ മാനദണ്ഡങ്ങളും ചുവടെ-
എക്സിക്യൂട്ടീവ് ബ്രാഞ്ച് (ജി 5-ഹൈഡ്രോകേഡര്) 57, ഏതെങ്കിലും ഡിസിപ്ലിനില് 60% മാര്ക്കില് കുറയാതെ ബിഇ/ബിടെക്.
പൈലറ്റ്-24, നേവല് എയര് ഓപ്പറേഷന്സ് ഓഫീസര് (ഒബ്സര്വേഴ്സ്) 20, എയര് ട്രാഫിക് കണ്ട്രോള് (എടിസി) 20. യോഗ്യത: ഏതെങ്കിലും ഡിസിപ്ലിനില് ബിഇ/ബിടെക് (60 % മാര്ക്കില് കുറയരുത്). പത്ത്, പന്ത്രണ്ട് ക്ലാസ് പരീക്ഷയില് മൊത്തം 60% മാര്ക്കില് കുറയാതെയും ഇംഗ്ലീഷിന് 60% മാര്ക്കില് കുറയാതെയും നേടിയിരിക്കണം.
ലോജിസ്റ്റിക്സ് 10, യോഗ്യത: ഫസ്റ്റ് ക്ലാസ് ബിഇ/ബിടെക്/എംബിഎ/ബിഎസ്സി, ബികോം, ബിഎസ്സി ഐടി വിത്ത് പിജി ഡിപ്ലോമ ഇന് ലോജിസ്റ്റിക്സ്/ഫിനാന്സ്/സപ്ലൈ ചെയിന് മാനേജ്മെന്റ്/മെറ്റീരിയല്സ് മാനേജ്മെന്റ്/എംസിഎ/എംഎസ്സി (ഐടി) (യോഗ്യതാപരീക്ഷക്ക് 60 മാര്ക്കില് കുറയരുത്).
നേവല് ആര്മമെന്റ് ഇന്സ്പെക്ടറേറ്റ് കേഡര് (എന്എഐസി) 20, യോഗ്യത: നിര്ദ്ദിഷ്ട ബ്രാഞ്ചുകളില് 60 % മാര്ക്കില് കുറയാതെ ബിഇ/ബിടെക് അല്ലെങ്കില് പിജി (ഇലക്ട്രോണിക്സ്/ഫിസിക്സ് (60 % മാര്ക്കില് കുറയാതെ) (പത്ത്, പന്ത്രണ്ട് ക്ലാസ് പരീക്ഷകളില് മൊത്തത്തിലും ഇംഗ്ലീഷിന് പ്രത്യേകമായും 60% മാര്ക്കില് കുറയാതെയുണ്ടാകണം.
ലോ (നിയമം)-2, യോഗ്യത: 55% മാര്ക്കില് കുറയാതെ അംഗീകൃത നിയമബിരുദം.
വിദ്യാഭ്യാസം- 15, യോഗ്യത: നിര്ദ്ദിഷ്ട ഡിസിപ്ലിനുകളില് ഫസ്റ്റ് ക്ലാസ് എംഎസ്സി/ബിഇ/ബിടെക്/എംഇ/എംടെക്.
എന്ജിനീയറിങ് ബ്രാഞ്ച് (ജനറല് സര്വ്വീസ്) 36, ഇലക്ട്രിക്കല് ബ്രാഞ്ച് (ജനറല് സര്വ്വീസ്) 40; നേവല് കണ്സ്ട്രക്ടര് 16, യോഗ്യത: നിര്ദ്ദിഷ്ട ബ്രാഞ്ചുകളില് ഫസ്റ്റ് ക്ലാസ് ബിഇ/ബിടെക്.
പ്രായപരിധി അടക്കമുള്ള യോഗ്യതാ മാനദണ്ഡങ്ങള്, സെലക്ഷന് നടപടികള്, അപേക്ഷിക്കേണ്ട രീതി, പരിശീലനം, സേവന വേതന വ്യവസ്ഥകള് മുതലായ സമഗ്ര വിവരങ്ങള് www.joinindiannavy.gov.in ല് ലഭിക്കും. യോഗ്യരായ ഉദ്യോഗാര്ത്ഥികള്ക്ക് ഓണ്ലൈനില് സപ്തംബര് ഒന്ന് വരെ അപേക്ഷിക്കാം.
എസ്എസ്സി ഓഫീസറായി തെരഞ്ഞെടുക്കപ്പെടുന്നവര്ക്ക് വിദഗ്ധ പരിശീലനം നല്കി സബ് ലഫ്റ്റനന്റ് പദവിയില് നിയമിക്കാം. തുടക്കത്തില് ഏകദേശം 1,10,000 രൂപ പ്രതിമാസ ശമ്പളം ലഭിക്കും. കൂടുതല് വിവരങ്ങള് വിജ്ഞാപനത്തിലുണ്ട്.
